২০২৪ বৰ্ষত বিৰাট-ৰোহিত-অশ্বিনসহ ১২ গৰাকী ভাৰতীয় খেলুৱৈৰ অৱসৰ, কোন কোন তালিকাত
২০২৪ বৰ্ষ ভাৰতীয় ক্ৰিকেটৰ বাবে এক অতিকে উল্লেখনীয় বছৰ হিচাপে পৰিগণিত হবলৈ গৈ আছে। বহু উত্থান পতনেৰে ভৰা এই ২০২৪ বৰ্ষ। এই বছৰতেই ভাৰতীয় দলটোৱে টি-২০ বিশ্বকাপৰ খিতাপ দখল কৰি অনুৰাগীক সুখ প্ৰদান কৰে। কিন্তু এই একেটা বছৰতে ভাৰতৰ ১২ গৰাকী তাৰকা খেলুৱৈয়ে ক্ৰিকেটৰ পৰা বিদায় মাগে।
ভাৰতীয় অনুৰাগীৰ বাবে আটাইতকৈ ডাঙৰ আঘাত তেতিয়া লাগে যেতিয়া বিৰাট কোহলী, ৰোহিত শৰ্মা, ৰবীন্দ্ৰ জাদেজা, শিখৰ ধাৱন আৰু অৱশেষত ৰবিচন্দ্ৰন অশ্বিনৰ দৰে তাৰকা খেলুৱৈয়ে অৱসৰ গ্ৰহণ কৰে। অৱশ্যে কোহলী, ৰোহিত আৰু জাদেজাই কেৱল টি-২০ ইণ্টাৰনেশ্যনেলৰ পৰাহে সদ্যহতে বিদায় লৈছে।
এই বছৰৰে জুন মাহত ভাৰতীয় ক্ৰিকেট দলটোৱে টি-২০ বিশ্বকাপ জয় কৰিছিল। ২৯ জুন তাৰিখে অনুষ্ঠিত ফাইনেল খেলত ভাৰতীয় দলটোৱে দক্ষিণ আফ্ৰিকাক ৭ ৰানত পৰাস্ত কৰি দ্বিতীয় বাৰৰ বাবে বিশ্বকাপ দখল কৰিছিল। এই বিশ্বকাপ জয়ৰ পাছতে ইণ্টাৰনেশ্যনেল ক্ৰিকেটৰ টি-২০ খেলক বিদায় দিছিল বিৰাট-ৰোহিত-জাদেজা-ধাৱনে।
পাছে আন কোন কোন খেলুৱৈ বিদায় লয় এই ২০২৪ বৰ্ষত- তালিকাত নাম আছে বহু কেইগৰাকী তাৰকা খেলুৱৈৰ-
দিনেশ কাৰ্তিক- ১ জুনৰ জন্ম দিনৰ দিয়াই ক্ৰিকেটৰ সকলো ফৰ্মেটৰ পৰা বিদায় লৈছিল কাৰ্তিকে।
জুনতেই টি-২০ ফৰ্মেটক বিদায় দিয়ে বিৰাট কোহলী, ৰোহিত শৰ্মা আৰু ৰবিন্দ্ৰ জাদেজাই।
শিখৰ ধাৱন- ২৪ আগষ্টত ইণ্টাৰনেশ্যনেল আৰু ঘৰুৱা ক্ৰিকেটৰ পৰা অৱসৰ ঘোষণা কৰিছিল ধাৱনে।
ঋদ্ধিমান সাহা- নৱেম্বৰত নিজৰ অৱসৰ লোৱাৰ কথা সদৰি কৰে। ইয়াৰ উপৰি অৱসৰ লোৱা অন্য কেইগৰাকী হৈছে-
কেদাৰ যাদৱ, বৰুণ অৰুণ, বৰিন্দৰ সৰা, সিদ্ধাৰ্থ কৌল, সৌৰভ তিৱাৰীয়ে ক্ৰিকেটৰ তিনিওটা ফৰ্মেটৰ পৰা বিদায় লয় ক্ৰিকেটৰ পৰা।
শেষত ডিচেম্বৰ মাহৰ ১৮ তাৰিখে ইন্টাৰনেশ্যনেল ক্ৰিকেটৰ পৰা বিদায় লয় ৰবিচন্দ্ৰন অশ্বিনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
