ডিজিটেল ডেস্কঃ পুৱাই টিলিঙা মন্দিৰলৈ বুলি বনভোজলৈ ওলাইছিল। গোলাঘাট আঠখেলীয়া ভৰলুৱা গাঁৱৰ পৰা আনন্দ-স্ফূৰ্তিৰে ওলাই যোৱা সকলোৰে বাবে আদবাটতে নামি আহিল কাল অমানিশা। তীব্ৰ বেগেৰে অহা এখন ট্ৰাকৰ সৈতে বনভোজলৈ গৈ থকা বাছখনত খুন্দা মাৰে As01 pc 0648 নম্বৰৰ এখন ট্ৰাকৰ সৈতে মুখামুখি সংঘৰ্ষ হয়। যাৰ ফলত থিতাতে নিহত হয় ১৫গৰাকীৰো অধিক লোক। ইয়াৰে ৩গৰাকী শিশু বুলি জানিব পৰা গৈছে।
প্ৰায় ১০০কিলোমিটাৰ বেগেৰে আহি অহা ট্ৰাকখনত খুন্দা মৰাৰ ফলত খণ্ড বিখণ্ড হৈ যায় বাছখন। তিনিচুকীয়াৰ টিলিঙা মন্দিৰত সেৱা কৰি ঢলা-শদিয়াত বনভোজ খোৱাৰ কথা আছিল ৪৫জনীয়া দলটোৰ। ঘন কুঁৱলী আৰু অতিপাত গতিৰ বাবে এই ভয়ংকৰ ঘটনাতো সংঘটিত হবলৈ পালে বুলি আৰক্ষীয়ে শংকা প্ৰকাশ কৰিছে।
উল্লেখ কৰা প্ৰয়োজন যে, নিহত যাত্ৰী অনিমা শইকীয়া, নৱজিৎ শইকীয়া, পিংকী শইকীয়া, ৰিংকি বৰা, শুভংকৰ শইকীয়া, দিপালী শইকীয়া বুলি জানিব পৰা হৈছে। এই ঘটনাত থিতাতে প্ৰাণ হেৰুৱায় বাছখনৰ চালক নুৰ আলমেও।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
