ৰাজ্যিক কেবিনেটৰ গুৰুত্বপূৰ্ণ সিদ্ধান্ত। গাড়ীৰ গতিবেগ নিয়ন্ত্ৰণৰ ক্ষেত্ৰত কেবিনেটত কেইবাটাও প্ৰস্তাৱ। ফৰলেনত ১০০ কিলোমিটাৰ, লোক নিৰ্মাণৰ পথত ৭০ কিলোমিটাৰ আৰু নগৰ-চহৰত প্ৰতিঘণ্টাত ৬০ কিলোমিটাৰ বেগত চলাব পাৰিব গাড়ী। ৮ আসনযুক্ত যাত্ৰীবাহী গাড়ীৰ ক্ষেত্ৰত ফৰলেনযুক্ত পথত প্ৰতিঘণ্টাত ৮০ কিলোমিটাৰ, গড়কাপ্তানি পথত ৬০ কিলোমিটাৰ আৰু আন নগৰ-চহৰত প্ৰতিঘণ্টাত ৫০ কিলোমিটাৰ গতিবেগৰ প্ৰস্তাৱ গ্ৰহণ কৰা হৈছে। ৯ আসনযুক্ত গাড়ীৰ ক্ষেত্ৰত চাৰিলেন পথত প্ৰতিঘণ্টাত ৭০ কিলোমিটাৰ, গড়কাপ্তানি পথত ৬০ কিলোমিটাৰ, আন নগৰ-চহৰ পথত ৪০ কিলোমিটাৰ গতিবেগৰ প্ৰস্তাৱ গ্ৰহণ কৰা হৈছে।
একেদৰে মালবাহী বাহনৰ ক্ষেত্ৰতো গ্ৰহণ কৰা হৈছে প্ৰস্তাৱ। মালবাহী বাহনৰ ক্ষেত্ৰত চাৰিলেন পথত ৬০ কিলোমিটাৰ, অন্য পথত ৫০ কিলোমিটাৰ, পৌৰসভা এলেকাত ৪০ কিলোমিটাৰ, মটৰ চাইকেলৰ ক্ষেত্ৰত চাৰিলেন পথত ৬০ কিলোমিটাৰ, অন্য পথত ৫০ কিলোমিটাৰ, পৌৰসভা এলেকাত ৫০ কিলোমিটাৰ নিৰ্ধাৰণ কৰা হৈছে। ৰাইজৰ বাবে এই প্ৰস্তাৱসমূহ মুকলি কৰিছে চৰকাৰে। অহা ১৫ দিনত এই সন্দৰ্ভত ৰাজ্যৰ পৰিবহণ বিভাগে ৰাইজৰ পৰামৰ্শ ল’ব। আৰু এই পৰামৰ্শৰ ভিত্তিতেই পৰিবহণ বিভাগে চূড়ান্ত সিদ্ধান্ত গ্ৰহণ কৰিব। কেবিনেটৰ এই সিদ্ধান্তক লৈ ৰাজ্যজুৰি বিভিন্ন মহলত চৰ্চা আৰম্ভ হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
