কেশৱ মহন্তৰ স্বাস্থ্য কৰ্তন , এতিয়াৰ পৰা মুখ্যমন্ত্ৰীয়ে চাব স্বাস্থ্যৰ ওপৰি অন্য বহু কেইটা বিভাগ
অসমৰ মন্ত্ৰী সভাৰ আজি ১৮ জুন তাৰিখে কিছু সালসলনি কৰা হয়। মুখ্যমন্ত্ৰী ড০ হিমন্ত বিশ্ব শৰ্মা নেতৃত্বাধীন অসম চৰকাৰৰ মন্ত্ৰীসভাৰ সম্প্ৰসাৰণৰ পূৰ্বে আজি অসম মন্ত্ৰীসভাৰ কেইটামান বিভাগৰ সাল সলনি কৰা হয়।
সেই অনুসৰি স্বাস্থ্য বিভাগৰ দায়িত্বত থকা কেশৱ মহন্তৰ হাতৰ পৰা সেই দায়িত্ব কৰ্তন কৰি মুখ্যমন্ত্ৰীয়ে নিজৰ হাতলৈ আনে। এতিয়াৰ পৰা স্বাস্থ্য বিভাগ চোৱাচিতা কৰিব মুখ্যমন্ত্ৰীয়ে নিজেই। অৱশ্যে মুখ্যমন্ত্ৰী হোৱাৰ পূৰ্বেও কেইবাবাৰো স্বাস্থ্যমন্ত্ৰী হিচাপে ভাল কাম কৰি থৈছে হিমন্ত বিশ্ব শৰ্মাই।
ইয়াৰ উপৰিও অন্য কেইবাটাও বিভাগ মুখ্যমন্ত্ৰীয়ে নিজৰ হাতলৈ নিছে। বৰ্তমান মুখ্যমন্ত্ৰী শৰ্মাৰ হাতত আছে গৃহ, কৰ্মচাৰী, লোক নিৰ্মাণ, স্বাস্থ্য আৰু পৰিয়াল কল্যাণ, চিকিৎসা শিক্ষা আৰু গৱেষণা, খিলঞ্জীয়া আৰু জনজাতীয় বিশ্বাস, সংস্কৃতিৰ উপৰিও মন্ত্ৰীক বিতৰণ নকৰা অন্যান্য বিভাগসমূহ।
আনহাতে কেশৱ মহন্তৰ পৰা স্বাস্থ্য আনিলেও তেওঁক অন্য বিভাগ অৰ্পন কৰা হৈছে – কেশৱ মহন্তৰ হাতত এতিয়াৰ পৰা পৰিবহণ, আৱকাৰী, মীন, বিজ্ঞান-প্ৰযুক্তি- জলবায়ু পৰিৱৰ্তন আৰু তথ্য প্ৰযুক্তি বিভাগ থাকিব।
উল্লেখ্য যে, পূৰ্বে পৰিবহণ, আবকাৰী, মীন আদি বিভাগৰ মন্ত্ৰীত্বৰ দায়িত্ব আছিল পৰিমল শুক্লবৈদ্যৰ। পাছে এইবাৰ লোকসভা নিৰ্বাচনত শিলচৰৰ পৰা সাংসদ হিচাপে নিৰ্বাচিত হৈ সংসদলৈ যোৱাৰ পাছত তেখেতৰ বিভাগৰ দায়িত্ব সমূহ কেশৱ মহন্তৰ হাতত অৰ্পন কৰা হয়। আনহাতে পৰিমল শুক্লবৈদ্যই সংসদৰ নিয়ম অনুসাৰে অসম মন্ত্ৰীসভাৰ লগতে অসম বিধানসভাৰ পৰাও পদত্যাগ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
