অসম লাইভ ২৪ঃ আগন্তুক দুমাহৰ ভিতৰত নগাঁও আৰু কাছাৰ কাগজ কলৰ কৰ্মচাৰীৰ বাবে ৰাজ্য চৰকাৰে মুকলাই দিব প্ৰাপ্য ৫৭০ কোটি টকা৷ লগতে ৯০ গৰাকী কৰ্মচাৰীক প্ৰদান কৰিব চৰকাৰী চাকৰি৷ অৱশেষত কাগজকলৰ শ্ৰমিক-কৰ্মচাৰীৰ বাবে এই সুখবৰ কঢ়িয়াই আনিলে মুখ্যমন্ত্ৰী ড০ হিমন্ত বিশ্ব শৰ্মাই৷ ইতিমধ্যে হিন্দুস্তান পেপাৰ মিলৰ সৈতে এই সন্দৰ্ভত এক চুক্তিত স্বাক্ষৰ কৰিছে অসম চৰকাৰে৷ মঙলবাৰে নিশা কাগজকলৰ কৰ্মচাৰীৰ সৈতে হোৱা বৈঠকৰ পাছতে টুইটযোগে এই ঘোষণা কৰে মুখ্যমন্ত্ৰীগৰাকীয়ে৷ মুখ্যমন্ত্ৰীৰ এই ঘোষমাৰ পাছতে এক আনন্দময় পৰিবেশে বিৰাজ কৰিছে কৰ্মচাৰীসকলৰ মাজত আৰু হিমন্ত বিশ্ব শৰ্মাক ধন্যবাদ জ্ঞাপন কৰিছে কৰ্মচাৰী তথা পৰিয়ালবৰ্গই৷ উল্লেখ্য, ২০১৯ চনৰ ১৭ মাৰ্চৰ পৰা বন্ধ হৈ আছে নগাঁও আৰু কাছাৰ কাগজ কল৷ কেন্দ্ৰ আৰু ৰাজ্য চৰকাৰে কাগজ কল দুটা সক্ৰিয় হ’ব বুলি বিভিন্ন সময়ত প্ৰতিশ্ৰুতি প্ৰদান কৰি আহিছিল যদিও ১ জুনত কাগজ কল দুটাৰ নিলামৰ জাননী জাৰি কৰিছিল লিকুইডেটৰ কুলদ্বীপ বাৰ্মাই৷ যোৱা ৩ ছেপ্টেম্বৰত কৰ্মচাৰীসকলক আৱাসগৃহ খালী কৰাৰো নিৰ্দেশ দিছিল লিকুইডেটৰ বাৰ্মাই৷
Finally reached agreement with the workers and employees of Hindustan Paper Corporation to resolve long pending issues of their salaries and dues.Discussion lasted over 4 hours in my office and concluded at 2 AM. Back to home now. Will leave for north Assam tour at 8 AM
— Himanta Biswa Sarma (@himantabiswa) September 28, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
