লক্ষ্য সোণৰ পদক! অসমৰ দুই ক্ৰীড়াবিদ ক্ৰমে লাভলীনা বৰগোঁহাই আৰু হিমা দাসৰ দায়িত্ব গ্ৰহণ কৰিছে অসম চৰকাৰে৷ অসম চৰকাৰে দুয়োগৰাকী এথলিটৰ পেৰিছ অলিম্পিকৰ প্ৰস্তুতিৰ সম্পূৰ্ণ দায়িত্ব বহন কৰাৰ কথা ঘোষণা কৰিছে৷
অসম চৰকাৰৰ কেবিনেট বৈঠকত এই গুৰুত্বপূৰ্ণ সিদ্ধান্ত লোৱাৰ কথা সদৰী কৰিছে মন্ত্ৰী কেশৱ মহন্তই৷
সংবাদ মেল যোগে মন্ত্ৰী কেশৱ মহন্তই কয় যে আগন্তুক পেৰছি অলিম্পিকৰ বাবে বক্সাৰ লাভলীনা বৰগোঁহাই আৰু দৌৰবিদ হিমা দাসৰ প্ৰস্তুতিৰ সমস্ত দায়িত্ব অসম চৰকাৰে গ্ৰহণ কৰিব৷
লগতে পঢ়ক বিধানসভাত জুই বৰষি চৰকাৰক তুলাধুনা বিধায়ক অখিল গগৈৰ; নিস্তব্ধ সদন
অসম চৰকাৰে লাভলীনা বৰগোহাঁইৰ প্ৰস্তুতিৰ বাবে মাহে আঢ়ৈ লাখকৈ টকা ব্যয় কৰিব বুলিও সদৰী কৰিছে মন্ত্ৰী কেশৱ মহন্তই৷ আনহাতে হিমা দাসৰ প্ৰস্তুতিৰ বাবে মাহে ১ লাখকৈ টকা ব্যয় কৰা হ’ব৷
উল্লেখ্য যে বক্সাৰ লাভলীনা বৰগোহাঁইয়ে টকিঅ’ অলিম্পিকত বক্সিঙত ব্ৰঞ্জৰ পদক লাভ কৰি ৰাজ্যৰ ক্ৰীড়া ইতিহাসত অভিলেখ সৃষ্টি কৰিছিল৷
আনহাতে হিমা দাসে জাকাৰ্টা এছিয়ান গেমছ সোণ আৰু ৰূপৰ পদক দখলেৰে ইতিহাস সৃষ্টি কৰিলেও আঘাতজনিত সমস্যাৰ বাবে টকিঅ’ অলিম্পিকলৈ যোগ্যতা অৰ্জনত ব্যৰ্থ হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
