মহানগৰ আৰক্ষীয়ে মহানগৰীৰ চাঞ্চল্যকৰ কিশোৰীৰ দলৱদ্ধ ধৰ্ষণৰ মূল অভিযুক্ত বিকি আলীক গুলীয়াই হত্যা কৰিছে৷
স্মৰ্তব্য যে মহানগৰীৰ গাড়ীগাঁও এগৰাকী কিশোৰীক পাঁচ যুৱকে উপৰ্যুপৰি দলৱদ্ধ ধর্ষণৰ ঘটনাই সমগ্ৰ ৰাজ্যজুৰি চাঞ্চল্যৰ সৃষ্টি কৰিছিল৷
ঘটনাৰ সন্দৰ্ভত ভুক্তভোগী কিশোৰীগৰাকীৰ পৰিয়ালে পাণবজাৰ মহিলা আৰক্ষী থানাত অভিযোগ দাখিল কৰে৷ ইয়াৰ পিছতে অভিযুক্তসকলৰ বিৰুদ্ধে আৰক্ষীয়ে অভিযান আৰম্ভ কৰিলেও এজনো অভিযুক্তক গ্ৰেপ্তাৰ কৰিবলৈ সক্ষম হোৱা নাছিল৷
লগতে পঢ়ক মহানগৰীৰ OYO হোটেলত কিশোৰীক উপৰ্যুপৰি দলৱদ্ধ ধৰ্ষণ পাঁচ যুৱকৰ
মংগলবাৰে নিশা মহানগৰ আৰক্ষীয়ে মূল অভিযুক্ত বিকি আলীক কালাপাহাৰত আত্মগোপন কৰি থকা অৱস্থাত গ্ৰেপ্তাৰ কৰিবলৈ সক্ষম হয়৷ গ্ৰেপ্তাৰৰ পিছতে মূল অভিযুক্ত বিকি আলীয়ে ধৰ্ষণকাণ্ড সংঘটিত কৰা স্থানলৈ নিয়াৰ পথতে আৰক্ষীৰ জিম্মাৰ পৰা পলাবলৈ চেষ্টা কৰোতে আৰক্ষীয়ে বিকিলৈ লক্ষ্য কৰি গুলী বৰ্ষণ কৰে৷
নিশা ১.১০ বজাত গুলীবিদ্ধ বিকি আলীক গুৱাহাটী চিকিৎসা মহাবিদ্যালয় আৰু চিকিৎসালয়লৈ নিয়া হয় যদিও চিকিৎসকে মৃত বুলি ঘোষণা কৰে৷ আৰক্ষীৰ গুলীয়ে বিকিৰ বুকু পিঠিত আঘাত কৰাৰ চিহ্ন স্পষ্ট হৈ আছে৷
উল্লেখ্য যে বিকি আলীৰ গাড়ীগাঁৱৰ এগৰাকী দশম শ্ৰেণীৰ ছাত্ৰীৰে প্ৰেমৰ সম্পৰ্ক আছিল৷ প্ৰথমে বিকিয়ে ঘৰত কোনো নথকা অৱস্থাত কিশোৰী প্ৰেমিকাগৰাকীৰ ঘৰলৈ নি ধৰ্ষণ কৰি সেই দৃশ্য ৰেকৰ্ডিং কৰি ব্লেকমেইলিং কৰাৰ অভিযোগ উঠিছিল৷
লগতে পঢ়ক বিধানসভাত জুই বৰষি চৰকাৰক তুলাধুনা বিধায়ক অখিল গগৈৰ; নিস্তব্ধ সদন
ইয়াৰ পিছতে বিকি আলীয়ে প্ৰেমিকা কিশোৰীগৰাকীক মহানগৰীৰ এখন OYO হোটেললৈ নি অন্য চাৰি যুৱকৰ সৈতে দলৱদ্ধভাৱে উপৰ্যুপৰি ধৰ্ষণ কৰি ভিডিঅ’ ৰেকৰ্ডিং কৰে৷ ঘটনাৰ সন্দৰ্ভত অৱশেষত ভু্ক্তভোগী পৰিয়ালৰ লোকে পাণবজাৰ মহিলা আৰক্ষী থানাত গোচৰ ৰুজু কৰে৷
গোচৰ ৰুজুৰ কৰাৰ খবৰ পায়ে পাঁচ অভিযুক্ত পলায়ন কৰি আত্মগোপন কৰে৷ মংগলবাৰে নিশা মূল অভিযুক্ত বিকি আলীক আৰক্ষীয়ে গ্ৰেপ্তাৰ কৰি তদন্তৰ খাতিৰত ঘটনাস্থলীলৈ নিয়াৰ পথত গড়চুকৰ গড়ভাঙ্গাত গুলীয়াই হত্যা কৰে৷
আনহাতে অন্য চাৰি অভিযুক্তক মহানগৰ আৰক্ষীয়ে এতিয়াও গ্ৰেপ্তাৰ কৰিবলৈ সক্ষম হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
