ৰাছিয়াৰ যুদ্ধবাজ ৰাষ্ট্ৰপতি ভ্লাদিমিৰ পুটিনে ইটোৰ পিছত সিটো সংকটৰ সন্মুখীন হৈছে৷ ৰাছিয়াই ইউক্ৰেইনত আক্ৰমণ অব্যাহত ৰখাৰ ফলত ইউৰোপীয় ইউনিয়নৰ লগতে আমেৰিকা, কানাডাসহ বিশ্বৰ প্ৰায়বোৰ দেশৰ অৰ্থনৈতিক আৰু বাণিজ্যিকসহ সকলো ধৰণৰ প্ৰতিবন্ধকতাৰ সন্মুখীন হৈছে৷
ইয়াৰ মাজতে এতিয়া ৰুছ ৰাষ্ট্ৰপতি ভ্লাদিমিৰ পুটিনক যুদ্ধ অপৰাধী ঘোষণা কৰিছে আমেৰিকাই৷ আমেৰিকাই এই ঘোষণা কৰি কৈছে যে আন্তজাৰ্তিক আদালতত পুটিনৰ বিৰুদ্ধে তদন্তৰ লগতে বিচাৰ চলোৱা হ’ব৷
ৰাছিয়াৰ ইউক্ৰেইন আক্ৰমণক তীব্ৰ গৰিহণা দি আমেৰিকা যুক্তৰাষ্ট্ৰৰ চিনেটে সৰ্বসন্মতিক্ৰমে এই ঘোষণা কৰি কয় যে আন্তৰ্জাতিক অপৰাধ আদালতত ৰাছিয়াৰ সামৰিক বাহিনীয়ে সংঘটিত কৰা অপৰাধসমূহৰ তদন্ত কৰা হ’ব৷
লগতে পঢ়ক OYO হোটেলৰ দলৱদ্ধ ধৰ্ষণ কাণ্ডৰ মূল অভিযুক্তক গুলীয়াই হত্যা মহানগৰ আৰক্ষীৰ
‘‘ইউক্ৰেইনৰ ওপৰত ৰাছিয়াই কৰা অত্যাচাৰ আৰু নিৰ্যাতনৰ বাবে পুটিনে নিজৰ দায়ৱদ্ধতা এৰাই চলিব নোৱাৰে৷’’ ডেমক্ৰেট চিনেটৰ চাক স্কামাৰে এইদৰে কয়৷
উল্লেখ্য যে বুধবাৰে ৰাছিয়াৰ ইউক্ৰেইন আক্ৰমণে ২১ টা দিনত প্ৰৱেশ কৰিছে৷ ৰাছিয়াৰ সৈন্য বাহিনীয়ে এই ২১ টা দিনত ইউক্ৰেইনৰ ১০ খন মুখ্য চহৰ দখল কৰিছে৷
ইফালে ৰাছিয়ান সেনাই প্ৰত্যাহ্বানৰ সন্মুখীন হৈ আহিলেও ইউক্ৰেইনৰ ৰাজধানী কীয়েভ দখলৰ অভিযান অব্যাহত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
