এপ্ৰিলতেই অনুষ্ঠিত হ’ব পঞ্চায়ত নিৰ্বাচন, জাৰি কৰা হ’ল নিৰ্বাচনী আচৰণবিধি
অহা এপ্ৰিল মাহতেই অনুষ্ঠিত হব পঞ্চায়ত নিৰ্বাচন। মুখ্যমন্ত্ৰী হিমন্ত বিশ্ব শৰ্মাই দিলে সেউজ সংকেত। উচ্চ ন্যায়ালয়ৰ ৰায়দানৰ পাছতে পঞ্চায়ত নিৰ্বাচনক লৈ মুখ্যমন্ত্ৰীৰ ঘোষণা।
মেট্ৰিক আৰু হায়াৰ ছেকেণ্ডাৰীৰ পৰীক্ষাৰ পাছতেই ৰাজ্যত নিৰ্বাচন হ’ব। পৰীক্ষাৰ পূৰ্বে নিৰ্বাচন পাতিলে পঢ়া-শুনাত অসুবিধা হ’ব পাৰে ছাত্ৰ-ছাত্ৰীৰ সেয়ে পৰীক্ষাৰ পাছত নিৰ্বাচন অনুষ্ঠিত হব।
লগতে মুখ্যমন্ত্ৰীৰে ইয়াকো কয় যে, ‘ৰঙালী বিহুৰ আগে-পাছে ৰাজ্যত অনুষ্ঠিত হ’ব নিৰ্বাচন,বৰ্তমান সময়ত ৰাজ্যত নিৰ্বাচন অনুষ্ঠিত কৰাৰ পৰিৱেশ নাই।
মুখ্যমন্ত্ৰীৰ নিৰ্বাচনৰ সেউজ সংকেট দিয়াৰ পাছতে পঞ্চায়ত নিৰ্বাচনৰ আচৰণবিধি জাৰি কৰা হ’ল। ৰাজনৈতিক দল-সংগঠনক কঠোৰ নীতি-নিৰ্দেশনা বান্ধি দিলে নিৰ্বাচনী আয়োগে।
আচৰণবিধি নামানিলে আইনৰ ৰোষত পৰিব ৰাজনৈতিক দলৰ লগতে প্ৰাৰ্থী। পূৰ্বতকৈ কঠোৰ হ’ব এইবাৰৰ পঞ্চায়ত নিৰ্বাচন।
প্ৰাৰ্থী আৰু ৰাজনৈতিক দলৰ বাবে বান্ধি দিয়া হ’ল ১০টা নিয়ম। কোনো প্ৰাৰ্থী আৰু ৰাজনৈতিক দলে ১০টা নিয়মৰ এটাও নিয়ম ভংগ কৰিব নোৱাৰিব।
কোনো প্ৰাৰ্থী আৰু কোনো দলে ধৰ্মীয় অনুভূতিত আঘাত কৰা মন্তব্য কৰিব নোৱাৰিব
কোনো প্ৰাৰ্থী আৰু কোনো দলে জাতি আৰু ভাষাক লৈ বিতৰ্কিত মন্তব্য কৰিব নোৱাৰিব
ভোটাৰক উৎকোচ দিব নোৱাৰিব কোনো প্ৰাৰ্থী আৰু কোনো দলে
ভোটাৰক ভয় ভাবুকি দিলে সেই প্ৰাৰ্থী আৰু পাৰ্টিৰ বিৰুদ্ধে কঠোৰ ব্যৱস্থা লোৱা হ’ব
কোনো দল আৰু কোনো প্ৰাৰ্থীয়ে মতানক্যৰ সৃষ্টি কৰিব নোৱাৰিব
ধৰ্ম কোনো ধৰ্ম আৰু ভাষাক লৈ সাম্প্ৰদায়িক ঘৃণা সৃষ্টি কৰিব নোৱাৰিব
কোনেও কাকো ব্যক্তিগতভাৱে সমালোচনা কৰিব নোৱাৰিব
কোনো প্ৰাৰ্থী আৰু পাৰ্টিয়ে ব্যক্তিৰ অনুমতি অবিহনে বেনাৰ-পোষ্টাৰ লগাব নোৱাৰিব
অৱশ্যে এয়া কাৰ্যকৰী হ’ব নিৰ্বাচনৰ অধিসূচনা জাৰি হোৱাৰ পাছৰ পৰাহে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
