শ্বিলঙলৈ বুলি ফুৰিবলৈ গৈ উভতি নাহিল মৰাণৰ দুই প্ৰেমিক-প্ৰেমিকা, কৰুণ মৃত্যু
মৰাণৰ দুই প্ৰেমিক যুগলৰ মেঘালয়ৰ মেঘালয়ৰ ৰি-ভৈ জিলাৰ ছাংবাংলাত গুৱাহাটী-শ্বিলং সংযোগী ৬ নং ৰাষ্ট্ৰীয় ঘাইপথত এক দূৰ্ঘটনাত শোকাৱহ মৃত্যু । ফুৰিবলৈ বুলি গৈ উভতি নহা বাটেৰে গলগৈ দুই প্ৰেমিক-প্ৰেমিকা।
কালি ৩ নৱেম্বৰ তাৰিখে সংঘটিত হয় এই দুৰ্ঘটনা। গুৱাহাটীৰ পৰা ভাড়া বাইকেৰে শ্বিলঙলৈ ফুৰিবলৈ গৈ থকা অৱস্থাতে নাংপোত ট্ৰাকৰ সৈতে সংঘৰ্ষত থিতাতে নিহত হয় দুয়ো যুৱক-যুৱতী।
মেঘালয়ৰ নাংপোত সংঘটিত এই শোকাবহ পথ দুৰ্ঘটনাত কৰুণ মৃত্যুক আকোঁৱালি ল’লে মৰাণৰ দুই প্ৰেমিক যুগলে৷ গুৱাহাটীৰ পৰা ভাড়া কৰা AS-01-FF-3367 নম্বৰৰ এখন ৰয়েল এনফিল্ড হিমালয়ান বাইকেৰে শ্বিলঙলৈ ফুৰিবলৈ গৈ থকা অৱস্থাতে নাংপোত দুৰ্ঘটনাত পতিত হৈ থিতাতে নিহত হয় মৰাণৰ টেঙাদলঙৰ ২৩ বৰ্ষীয় নিলোৎপল দূৱৰী আৰু মৰাণ জ্যোতিপুৰৰ ২১ বৰ্ষীয় গাৰ্গী চুতীয়া ৷
দুয়োৰে মাজত থকা প্ৰেমক দুয়োটা পৰিয়ালে স্বীকৃতিও দিছিল বুলি জানিব পৰা গৈছে ৷ তাৰ মাজতে দুয়ো ফুৰিবলৈ গৈছিল শ্বিলঙলৈ ৷ কিন্তু সেই যাত্ৰাই আছিল দুয়োৰে বাবে শেষ যাত্ৰা ৷
এই খৱৰ বিয়পি পৰাৰ পাছতে মৰাণত গভীৰ শোকৰ ছাঁ পৰিছে ৷ উল্লেখযোগ্য যে মৰাণ জ্যোতিপুৰৰ নিবাসী পশু চিকিৎসক জনক চুতীয়াৰ কন্যা গাৰ্গী ডিব্ৰুগড়ৰ অসম চিকিৎসা মহাবিদ্যালয়ৰ চুড়ান্ত বৰ্ষৰ ছাত্ৰী আছিল ৷
আনপহাতে মৰাণৰে টেঙাদলঙৰ নিবাসী দেৱেশ্বৰ দুৱৰীৰ পুত্ৰ নিলোৎপলৰ সৈতে আছিল গাৰ্গীৰ দীৰ্ঘদিনীয়া প্ৰেমৰ সম্পৰ্ক ৷ কিন্তু নিয়তিৰ নিষ্ঠুৰ পৰিহাস, একেলগে শোকাৱহ মৃত্যুক সাৱটি ল’লে প্ৰেমিকযুগলে ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
