বিনেশ ফোগাতৰ দৰে যাতে নহয়, মাহে মাত্ৰ ১২ চামুচ ভাত খাই খেলো ইণ্ডিয়াত অসম কন্যাই আঁজুৰি আনিলে ব্ৰঞ্জ
সমগ্ৰ বিশ্বই দেখিলে অলিম্পিকত বিনেশৰ সৈতে কি ঘটিল। এক নিৰ্দিষ্ট ওজন শাখাত খেলিবলৈ বুলি নামি মাত্ৰ ১০০ গ্ৰাম ওজনৰ বাবেই ফাইনেল খেলৰ পৰা বঞ্চিত হৈছিল বিনেশ ফোগাত। সেয়ে সকলো খেলুৱৈয়ে নিজ নিজ ওজনক লৈ বহু সতৰ্ক হৈ থকা দেখা যায়।
অসমৰো এগৰাকী কন্যাই নিজৰ ওজনৰ কথা ভাবিয়ে মাহে মাত্ৰ ১২ চামুচ ভাত খাই খেলো ইণ্ডিয়াত অংশ লৈ আঁজুৰি আনিলে ব্ৰঞ্জ পদক। তাকো সেই কন্যা কোনো কিশোৰী বা যুৱতী নহয়, মাথো ১০ বছৰীয়া কনমানি। যি নিজৰ খেলক লৈ বহুতেই সতৰ্ক।
এমাহত মাত্ৰ ১২চামুচ ভাত খাই খেলো ইণ্ডিয়াত (KHELO INDIA) সমৰ কলাত অসমৰ লগতে কলিয়াবৰলৈ গৌৰৱ কঢ়িয়াই আনিলে নগাঁও জিলাৰ ১০বছৰীয়া খেলুৱৈ অন্সি প্ৰিয়ম আহমেদে।
খেলত যাতে দেহৰ ওজন বৃদ্ধি পাই সমস্যাৰ সৃষ্টি নকৰে তাৰ বাবে এমাহত মাত্ৰ ১২চামুচ ভাত খাই অসমৰ লগতে কলিয়াবৰলৈ সমৰ কলাত ব্ৰঞ্জ মেডেল লাভ কৰি গৌৰৱ কঢ়িয়াই আনিলে জখলাবন্ধাৰ নিবাসী ৰাজীৱ আহমেদ আৰু অনামিকা ভড়ালীৰ একমাত্ৰ জীয়ৰী অন্সি প্ৰিয়মে।
৪বছৰ বয়সৰ পৰাই সমৰ কলা শিকিবলৈ আৰম্ভ কৰি গুৰু বিপ্লৱ কুমাৰ শইকীয়াৰ নেতৃত্বত অসমৰ বাহিৰৰ বিভিন্ন ঠাইত সমৰ কলাৰ খেল প্ৰদৰ্শন কৰি বহু মেডেলৰ লগতে সন্মান বুটলিবলৈ সক্ষম হৈছে অন্সি প্ৰিয়মে।
সেহতীয়াভাৱে KHELO INDIA উচুত বহু কেইখন ৰাজ্যৰ মাজৰ পৰা নিৰ্বাচিনত হোৱা সকলো খেলুৱৈৰ মাজত নিজকে প্ৰতিষ্ঠা কৰি অন্সি প্ৰিয়ম আহমেদে ব্ৰঞ্জ মেডেল পাবলৈ সক্ষম হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
