অসম লাইভ২৪ঃ
প্ৰশিক্ষণ সমাপ্ত কৰা আৰক্ষী জোৱানসকললৈ কেইবাটাও সাৱধানবাণী মুখ্যমন্ত্ৰী হিমন্ত বিশ্ব শৰ্মাৰ। আজি দেৰগাঁৱৰ আৰক্ষী প্ৰশিক্ষণ মহাবিদ্যালয়ৰ দীক্ষান্ত সমাৰোহত অংশগ্ৰহণ কৰি মুখ্যমন্ত্ৰী ড০ হিমন্ত বিশ্ব শৰ্মাই আৰক্ষীসকলক দিছে পৰামৰ্শ। সফলতাৰে প্ৰশিক্ষণ সমাপ্ত কৰা ১,৭০০তকৈ অধিক আৰক্ষী জোৱানক কেইবাটাও পৰামৰ্শ প্ৰদান কৰে মুখ্যমন্ত্ৰী হিমন্ত বিশ্ব শৰ্মাই৷ আৰক্ষীৰ লাঠী আৰু বন্দুক দুখীয়া লোকৰ বিৰুদ্ধে ব্যৱহাৰ নকৰিবলৈ পৰামৰ্শ দিয়ে মুখ্যমন্ত্ৰীয়ে৷নতুন আৰক্ষী জোৱানসকলক শকত নহ’বলৈ, স্বাস্থ্যৰ যতন ল’বলৈ পৰামৰ্শ মুখ্যমন্ত্ৰী হিমন্ত বিশ্ব শৰ্মাৰ৷ লগতে মাদক দ্ৰব্যৰ পৰাও আৰক্ষীসকলক বিৰত থাকিবলৈ আহ্বান মুখ্যমন্ত্ৰীৰ।
ভাষণত মুখ্যমন্ত্ৰীগৰাকীয়ে কয়, ‘আৰক্ষীত যোগদান কৰিলে মদ খাব লাগিব বুলি কথা নাই। বেয়া বস্তু খাব লাগে বুলি ক’তো লিখা নাই।এইধৰণৰ কথা আমি চিনেমাতহে দেখা পাও। মদ-ৰাগিয়াল বস্তুৰ পৰা আঁতৰত থকাৰ প্ৰতিজ্ঞা কৰিব লাগিব। নিৰীহৰ ওপৰত অত্যাচাৰ অতীত হ’ব লাগিব। ৰিক্সাচালকৰ ওপৰত প্ৰহাৰ বন্ধ হ’ব লাগিব। লাঠী, বন্দুক অপৰাধীৰ বিৰুদ্ধেহে ব্যৱহাৰ হ’ব লাগিব। দুখীয়া, নিঃসহায়জনৰ বিৰুদ্ধে ব্যৱহাৰ হ’ব নালাগিব। আমি আমাৰ শৰীৰৰ যত্ন ল’ব লাগিব। কোনো কাৰণতে যাতে শকত নহওঁ লক্ষ্য ৰাখিব লাগিব। কাৰণ আমি এবছৰৰ বাবে যোগদান কৰা নাই। অহা ৩০ বছৰৰ বাবে আমি যোগদান কৰিছো।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
