মাতৃত্বৰ গৌৰৱেৰে গৌৰৱান্বিত বৰষা, কন্যা সন্তানেৰে দুইৰ পৰা তিনি হ’ল বৰষা-ভাস্কৰ
২০২৪ বৰ্ষৰ শেষত অতিকে ভাল খবৰ আহিল অসমীয়া চলচিত্ৰ জগতৰ অন্যতম অভিনেত্ৰী বৰষা ৰাণী বিষয়াৰ জীৱনলৈ। আজি ২৩ ডিচেম্বৰ তাৰিখে এটি কন্যা সন্তানৰ মাতৃ হল বৰষা। পুৱা ১১ বজাত দিছপুৰ পলি ক্লিনিক হস্পিতাল কন্যা সন্তান জন্ম দিয়ে অভিনেত্ৰীগৰাকীয়ে।
মাতৃত্বৰ গৌৰৱেৰে গৌৰৱাম্বিত হ’ল বৰষা, কন্যা সন্তানেৰে দুইৰ পৰা তিনি হ’ল বৰষা-ভাস্কৰৰ পৰিয়াল। ২০২১ চনৰ ফেব্ৰুৱাৰী মাহৰ ২১ তাৰিখে বিবাহ পাশত আৱদ্ধ হৈছিল অভিনেত্ৰী বৰষা আৰু সামাজিক মাধ্যম যোগে লগ পোৱা যোৰহাটৰ ভাস্কৰ বৰুৱা। বিবাহৰ ৩ বছৰৰ পাছত তেঁওলোকৰ জীৱন শুৱনি কৰি কোলালৈ আহিল এটি কন্যা সন্তান।
১৯৯৮ চনত মুক্তি পোৱা জনপ্ৰিয় অসমীয়া চলচ্চিত্ৰ যৌৱনে আমনি কৰে চলচিত্ৰৰ জৰিয়তে অসমীয়া ছবিজগতত খোজ দিছিল বৰষা ৰাণী বিষয়াই । তাৰ পিছৰে পৰা আৰু কোনোদিনে পিছলৈ উভতি চোৱা নাই বৰষাই। বুকুৰ মাজত জ্বলে, জোন জ্বলে কপালত, মিঠা মিঠা লগনত, মাঘত মামণিৰ বিয়া, জুমন সুমন, উজনিৰ দুজনী গাভৰু, বিধাতা, চেনাই মোৰ ধুলীয়া, আদি বহু কেইখন ছবিত কাম কৰিছে বৰষাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
