শনি আজি মীন ৰাশিত সন্ধিয়া ৭ বাজি ১৩ মিনিটত অস্ত যাব৷ ইয়াৰপাছতেই ২২ এপ্ৰিল ২০২৬ৰ পুৱা প্ৰায় ৪ বাজি ৪৯ মিনিটত আকৌ উদয় হ’ব৷ বৈদিক জ্যোতিষত শনিক কৰ্ম, ন্যায় আৰু অনুশাসনৰ গ্ৰহ বুলি কোৱা হয়৷ শনিয়ে যিকোনো ৰাশিত প্ৰায় আঢ়ৈ বছৰ পৰ্যন্ত থাকে৷ এই সময়ত একাধিকবাৰ শনিয়ে তাৰ অৱস্থান সলনি কৰে৷ যাৰ ভিতৰত মাৰ্গী, বক্ৰী আৰু অস্ত উদয় আছে৷ জ্যোতিষ অনুসৰি শনিয়ে এই সময়ত মীন ৰাশিত অৱস্থান কৰি আছে৷ শনিৰ এই অৱস্থা প্ৰায় ৩৫ দিন পৰ্যন্ত থাকিব৷ জ্যোতিষ অনুসৰি শনিৰ অস্ত যোৱাৰ প্ৰভাৱ প্ৰায় সকলো ৰাশিৰ ওপৰত পৰিব৷ অৱশ্যে কিছু ৰাশিৰ বাবে এই অস্ত দশাই লাভৰ খবৰ আনিছে৷
বৃষ ৰাশি
এই ৰাশিৰ ক্ষেত্ৰত আজিৰ পৰা ইতিবাচক পৰিস্থিতি তৈয়াৰ হব৷ দীৰ্ঘ সময় ধৰি ৰৈ থকা কাম ধীৰ গতিত হ’বলৈ আৰম্ভ কৰিব৷ আৰ্থিক পৰিস্থিতি সলনি হব৷ হঠাৎ অৰ্থলাভৰ যোগ আছে৷ চাকৰি আৰু কেৰিয়াৰৰ ক্ষেত্ৰত ভাল খবৰ লাভ কৰিব পাৰে৷ স্বাস্থ্য সংক্ৰান্তিয় সমস্যা দূৰ হব৷ পৰিয়ালত পৰিস্থিতি পূৰ্বতকৈ ভালে থাকিব৷ সম্পৰ্কত মধুৰতা বাঢ়িব পাৰে৷ প্ৰেমৰ সম্পৰ্কত সুখৰ সময় অহাৰ সুযোগ পাব পাৰে৷
সিংহ ৰাশি
শনি অস্তই সিংহ ৰাশিৰ কেৰিয়াৰত উন্নতি আনি দিব৷ নতুন চাকৰিৰ সুযোগ সন্মুখত আহিব পাৰে৷ চাকৰিয়ালৰ পদোন্নতি বা দৰমহা বৃদ্ধি হব পাৰে৷ কৰ্মক্ষেত্ৰত বৰিষ্ঠ অধিকাৰীসকলৰ পৰা কামৰ প্ৰশংসা পাব৷ পঢ়ুৱৈসকলৰ বাবে এই সময় অনুকূল থাকিব৷ মনৰ মতেই সফলতা পাব৷ পাৰিবাৰিক সম্পত্তি সংক্ৰান্তিয় পুৰণি গোচৰ দূৰ হোৱাৰ সম্ভাৱনা আছে৷ নতুন সম্পত্তি ক্ৰয়ৰ যোগ আছে৷ স্বাস্থ্য পূৰ্বৰ তুলনাত ভাল হব৷
ধনু ৰাশি
ধনু ৰাশিৰ মানুহৰ বাবে এই সময়ে নতুন সম্ভাৱনা কঢ়িয়াই আনিব৷ বিদেশ যাত্ৰাৰ সুযোগ আহিব পাৰে৷ আপোনাৰ কথাত মধুৰতা থাকিব৷ পৰিয়ালত কোনো শুভ বা মাঙ্গলিক কামৰ আয়োজন হব পাৰে৷ কামৰ ক্ষেত্ৰত সফলতা লাভৰ সম্ভাৱনা আছে আৰু বন্ধুৰ সহযোগিতা পাব৷ সন্তান সংক্ৰান্তিয় কোনো ভাল খবৰ পাব পাৰে৷ পিতৃ-মাতৃৰ সংগ পাব আৰু মন ভাল কৰা কোনো যাত্ৰাৰ সুযোগ আহিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
