নিলামৰ আৰম্ভণি দেখি ধাৰণা হৈছিল, পাকিস্তানৰ কোনো ক্ৰিকেটাৰেই এইবাৰ আই পি এলৰ দলত নাথাকিব৷ আহিলেও কোনো মালিকেই তেওঁলোকক ক্ৰয় নকৰিব৷ কিন্তু সকলোকে চমক দি পাকিস্তানৰ আবৰাৰ আহমেদক আঢ়ৈ কোটি টকাত কিনিছে ছানৰাইজাৰ্ছে৷ দীৰ্ঘ দিন পাছত পাকিস্তানৰ কোনো ক্ৰিকেটাৰে ভাৰতীয় মালিকৰ দলত খেলিব৷ ইতিমধ্যেই বিতৰ্ক আৰম্ভ হৈছে কাব্যা মাৰানৰ দলক লৈ৷ আই পি এলত ছানৰাইজাৰ্ছক বয়কটৰ দাবীও আৰম্ভ হৈছে সামাজিকমাধ্যমত৷
ইংলেণ্ডৰ লিগ দ্যা হাণ্ড্ৰেডৰ নিলামত এই ঘটনা ঘটিছে৷ এই প্ৰতিযোগিতাত আই পি এলৰ মালিকৰ চাৰিটা দল আছে৷ এম আই লণ্ডন(মুম্বাই ইণ্ডিয়ানছ), মাঞ্চেষ্টাৰ ছুপাৰ জয়েণ্টছ( লক্ষ্ণৌ ছুপাৰ জয়েণ্টছ), ছানৰাইজাৰ্ছ লিডছ(ছানৰাইজাৰ্ছ হায়দৰাবাদ) আৰু ছাদাৰ্ন ব্ৰেভ(দিল্লী কেপিটেলছ)৷
দ্যা হাণ্ড্ৰেডৰ নিলামৰ পূৰ্বে শুনা গৈছে, এই চাৰি দলৰ কোনোৱে পাকিস্তানৰ কোনো ক্ৰিকেটাৰক নিকিনিব৷ এই জল্পনা আৰম্ভ হোৱাৰ পাছতেই ইংলেণ্ডৰ বেছ কিছু বৰ্তমান আৰু প্ৰাক্তন ক্ৰিকেটাৰেও সমালোচনাও কৰিছিল৷ কিন্তু নিলামৰ টেবুলত সেই ছবি পৃথক দেখা গ’ল৷
নিলামত হাৰিছ ৰউফ, ছাদাব খান আৰু ছাইম আয়ুবক কোনো দলে নিকিনিলে৷ চতুৰ্থ ক্ৰিকেটাৰ উছমান তাৰিক দলে ক্ৰয় কৰে৷ তেওঁক ক্ৰয় কৰে বাৰ্মিংহাম ফিনিক্সে৷ সেই দলত কোনো ভাৰতীয় মালিক নাই৷ চমক দেখা যায় আৰবাৰৰ নিলামৰ সময়ত৷ ট্ৰেণ্ট ৰকেটছৰ সৈতে যুদ্ধ দৰে ছানৰাইজাৰ্ছৰ৷ কাব্যা মাৰানকত দেখি ধাৰণা গৈছিল তেওঁ আবৰাৰক ক্ৰয় কৰিব৷ সেয়াই কৰে ক্যাবাই৷ আইপিএলত অভিষেক শৰ্মা, ঈশান কিছানৰ দলৰ মালিক কাব্যাৰ এই কাৰ্যৰ বাবে চলিছে চৰ্চা৷
কিছু ক্ষণৰ ভিতৰতেই ছানৰাইজাৰ্ছৰ জাৰ্ছি পিন্ধা আবৰাৰৰ ছবি সামাজিকমাধ্যমত পোষ্ট কৰে তেওঁলোকে৷ এই পোষ্টৰ পাছতেই আৰম্ভ হয় বিতৰ্ক৷ ভাৰতীয় ক্ৰিকেটপ্ৰেমীসকলৰ এক বৃহৎ অংশই এই সিদ্ধান্ত ভালভাৱে লোৱা নাই৷ তেওঁলোকৰ দাবী, নিলামৰ বাবে বহু ক্ৰিকেটাৰ আছিল৷ পাকিস্তানৰ স্পিনাৰক নিকিনিলেও কোনো ক্ষতি নহয়৷ য’ত বাকী তিনি ভাৰতীয় মালিকে পাকিস্তানৰ কোনো ক্ৰিকেটাৰে নিকিনিলে, তাতেই আবৰাৰক ক্যাব্যাই কিয় কিনিব লাগে৷
চলিত মাহতেই আৰম্ভ হ’ব আই পি এল৷ বহুতৰে দাবী, আইপিএলত ছানৰাইজাৰ্ছ হায়দৰাবাদক সকলোৱে বয়কট কৰা উচিত৷ কোনো কোনোৱে কৈছে, আই পি এলতো ভাৰতীয় ক্ৰিকেটাৰসকলৰ পৰা বিদেশী ক্ৰিকেটাৰক বেছি গুৰুত্ব দিয়ে ছানৰাইজাৰ্ছে৷ তাতেই বাকী ৯ দলত ভাৰতীয় অধিনায়ক আছে, একমাত্ৰ ছানৰাইজাৰ্ছৰ অধিনায়ক বিদেশী৷ পেট কামিন্স সেই দলৰ অধিনায়ক৷ ইয়াৰ পৰাই প্ৰমাণিত যে তেওঁলোকে ব্যৱসায়ক সৰ্বাধিক গুৰুত্ব দিয়ে৷ বহুতেই কৈছে আই পি এলত মুস্তাফিজুৰ ৰহমানৰ যি গতি হৈছে সেই গতিয়েই হ’ব দ্যা হাণ্ড্ৰেড লিগত আবৰাৰৰ৷ নিলামত কিনিও মুস্তাফিজুৰে এৰিবলৈ বাধ্য হৈছিল কলকাতা নাইট ৰাইডাৰ্ছ৷ ঠিক একেধৰণে আবৰাৰেও লিগ আৰম্ভৰ পূৰ্বেই এৰিব লাগিব পাৰে ছানৰাইজাৰ্ছ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
