এদিনতে সফলতা অহা নাই! ধাপে ধাপে যাত্ৰা, কাউন্সিলাৰ, বিধায়ক, সাংসদ, মন্ত্ৰীৰ পৰা, বংগত তেওঁ বিজেপি শাসনৰ আৰম্ভণিতে প্ৰথম মুখ্যমন্ত্ৰী, জানি থওক শুভেন্দুৰ ৰাজনৈতিক উত্থানৰ কাহিনী

ইয়াৰপাছতেই ২০০৬ চনৰ দক্ষিণ কাঁথিৰ পৰা প্ৰথমবাৰ বিধানসভাত পদাৰ্পণ কৰে তেওঁ৷ সেইয়া আছিল ২০০৭ চনৰ কথা৷ নন্দীগ্ৰাম ভূমি আন্দোলনক কেন্দ্ৰ কৰি সমগ্ৰ ৰাজ্যত ব্যাপকভাৱে পৰিচিত হৈ পৰে শুভেন্দু অধিকাৰী৷ ২০০৭ চনৰ ২৫ নৱেম্বৰত নন্দীগ্ৰামত তৃণমূল কৰ্মীসকলৰ ওপৰত আক্ৰমণৰ অভিযোগ উঠে চিপিআইমৰ বিৰুদ্ধে৷ সেই সময়তে নন্দীগ্ৰামত সকলোৰে সাহস হৈ থিয় দিছিল অধিকাৰী পৰিয়াল৷

২০০৮ চনত পঞ্চায়ত নিৰ্বাচনত শুভেন্দুৰ নেতৃত্বত মেজিক হয়৷ প্ৰৱল পৰাক্ৰমশালী বামপন্থীসকলক হৰুৱাই পূৰ্ব মেদিনীপুৰ জিলা পৰিষদ দখল কৰে তৃণমূল কংগ্ৰেছে৷ সেই বছৰেই শুভেন্দু অধিকাৰীক যুৱ তৃণমূলৰ সভাপতি কৰে মমতা বেনাৰ্জীয়ে৷ তাৰপিছতেই ২০০৯ চনৰ লোকসভা নিৰ্বাচনত তমলুকৰ পৰা লক্ষ্মণ শেঠক হৰুৱাই প্ৰথমবাৰৰ বাবে সাংসদ হয় শুভেন্দু অধিকাৰী৷ সেই বছৰ কাঁথি পৌৰসভাৰ চেয়াৰমেল পদত শিশিৰ অধিকাৰীৰ ঠাইত আহে শুভেন্দু৷

২০১১ চন৷ পশ্চিমবংগৰ ৰাজপাটত ৰজাৰ আসন সলনি হ’ল৷ মমতা বেনাৰ্জীৰ নেতৃত্বত ৩৪ বছৰৰ ক্ষমতাসীন বামপন্থীসকলক হৰুৱাই দিয়ে তৃণমূল কংগ্ৰেছে৷ মেদিনীপুৰত প্ৰতাপো স্বাভাৱিকতে বাঢ়ে অধিকাৰী পৰিয়ালৰ৷ ২০১৪ চনৰ লোকসভাত প্ৰত্যাশা মতেই পূৰ্ব মেদিনীপুৰৰ কাঁথি তমলুক কেন্দ্ৰৰ পৰা জয়ী হয় শুভেন্দু অধিকাৰী৷ কিন্তু সেই বছৰেই যুৱ তৃণমূলৰ সভাপতি পদৰ পৰা শুভেন্দুক আঁতৰাই দিয়া হয়৷ তেওঁৰ স্থানত বহে সৌমিত্ৰা খাঁ৷ ইয়াৰোপৰি অভিষেক বেনাৰ্জীৰ নেতৃত্বত তৈয়াৰ হয় তৃণমূল যুৱা৷ যাক লৈ অসন্তুষ্ট আছিল শুভেন্দু৷

২০১৬ চনৰ বিধানসভা নিৰ্বাচন৷ নন্দীগ্ৰামৰ পৰা বিধায়ক নিৰ্বাচিত হয় শুভেন্দু অধিকাৰী৷ মমতা বেনাৰ্জীৰ মন্ত্ৰীসভাত শুভেন্দুৱে ঠাইয়ো পায়৷ ২০১৯ চনৰ লোকসভা নিৰ্বাচন আহিল৷ সেইবাৰ পশ্চিম মেদিনীপুৰ জিলাত তৃণমূল কংগ্ৰেছে ভাল ফল নাপালে৷ উত্থান ঘটে বিজেপি দলৰ৷ ফলত মমতা বেনাৰ্জীয়ে দলৰ পৰ্যবেক্ষকৰ দায়িত্বৰ পৰা শুভেন্দুক আঁতৰাই দিয়ে৷ ফাঁটিবলৈ ধৰে শুভেন্দু আৰু তৃণমূলৰ মাজৰ সম্পৰ্ক৷

ইয়াৰপাছতেই ২০২০ চনৰ আগষ্টত তৃণমূলৰ ৰাজ্যৰ চৰকাৰী কৰ্মী সংগঠনৰ দায়িত্বৰ পৰা আঁতৰাই দিয়া হয় শুভেন্দুক৷ আঁতৰাই দিয়া হয় জিলা পৰ্যবেক্ষকৰ পদৰ পৰাও৷ উল্লেখ্য যে সেই সময়ত একাধিক জিলাৰ পৰ্যবেক্ষকৰ পদত আছিল শুভেন্দু অধিকাৰী৷ ফলত তেওঁ পদসমূহো হেৰুৱাই৷ দলৰ সৈতে সম্পৰ্ক ফাটিলেও মন্ত্ৰীসভা, বিধায়ক পদ আৰু তৃণমূলৰ সকলো দায়িত্ব এৰি দিয়ে শুভেন্দু অধিকাৰীয়ে৷ ইয়াৰপাছতেই ২০২০ চনৰ ১৯ ডিচেম্বৰত তৃণমূল এৰি বিজেপিত যোগ দিয়ে শুভেন্দু অধিকাৰীয়ে৷

ইয়াৰপাছতেই ২০২১ চনৰ বিধানসভা নিৰ্বাচত পদ্ম প্ৰতীকত নন্দীগ্ৰামৰ পৰা জয়ী হয় শুভেন্দু অধিকাৰী৷ হৰুৱাই দিয়ে এসময়ৰ তেওঁৰেই নেত্ৰী মমতা বেনাৰ্জীক৷ কিন্তু সেইবাৰ বিজেপিয়ে আশা কৰাধৰণে ফল লাভ নকৰিলে৷ ফলত বিৰোধী দলনেতাৰ ভূমিকাত থাকে শুভেন্দু৷

ইয়াৰপাছতেই মমতা চৰকাৰ আৰু তৃণমূলৰ বিৰুদ্ধে তীব্ৰ যুঁজ চলাই যায় শুভেন্দুৱে৷ ৰাজ্যজুৰি প্ৰচাৰ অভিযান চলালে শুভেন্দু৷ সেইয়ে এইবাৰ ফল হাতে হাতে৷ বিপুল ভোটত বিজেপিক আদৰি আনিছে বংগবাসীয়ে৷ শুভেন্দুৱে নিজেও নন্দীগ্ৰাম আৰু ভৱানীপুৰ দুই বিধানসভা কেন্দ্ৰতেই জয়ী হৈছে৷ ভৱানীপুৰত মমতাক হৰুৱাই বিজেপিৰ কেন্দ্ৰীয় নেতৃত্বৰ ওচৰত একপ্ৰকাৰে হিৰ’ হৈ পৰিছে শুভেন্দু অধিকাৰী৷ যাৰবাবে সাংগঠনিক দক্ষতালৈ নজৰ দি অভিজ্ঞতাসম্পন্ন শুভেন্দুকেই বংগৰ পৰবৰ্তী মুখ্যমন্ত্ৰী হিচাপে বাচি ল’লে অমিত শ্বাহ আৰু বিজেপি নেতৃত্বই৷