এজনী বান্দৰৰ আক্ৰমণত অতি ক’মেও ২০ গৰাকী লোক আহত হৈ চিকিৎসালয়ত ভৰ্তি কৰোৱাবলগীয়া পৰিস্থিতিৰ সৃষ্টি হৈছে৷
চুবুৰীয়া ৰাজ্য পশ্চিমবংগত এই ঘটনাটো সংঘটিত হৈছে৷ স্থানীয় সংবাদ পত্ৰই প্ৰকাশ কৰা মতে ৰাজ্যখনৰ উত্তৰ ২৪ পৰগনা জিলাৰ ৰূপহীহাট অঞ্চলত এজনী মাতৃ বান্দৰৰ আক্ৰমণত ২০ গৰাকীকৈ লোক আহত হৈছে৷
ঘটনাৰ বিৱৰণীৰ মতে দুৰ্ভাগ্যজনকভাৱে এটা বান্দৰৰ পোৱালি ছাদৰ ওপৰৰ পৰা সৰি পৰি মৃত্যু হয়৷ ইয়াৰ পিছতে পোৱালি বান্দৰটোৰ মাতৃয়ে ক্ৰোধান্বিত হৈ পৰে৷
লগতে পঢ়ক সৰ্বসাধাৰণ চকুৰ ৰোগ আৰু ইয়াৰ যতন
ক্ৰোধান্বিত বান্দৰজনীয়ে গঞাৰ হাত, ভৰি, মুখ আদিত আক্ৰমণেৰে নেফানেফ কৰি ৰক্তাক্ত কৰি পেলায়৷ বান্দৰজনীৰ আক্ৰমণৰ বাতৰি গাঁওখনত বিয়পি পৰাৰ লগে লগে আতংকিত গঞাই ঘৰৰ দুৱাৰ খিৰিকী বন্ধ কৰি নিজকে ৰক্ষা কৰে৷
ইফালে বান্দৰজনীৰ আক্ৰমণত আহত হোৱা শিশুসহ ২০ গৰাকী লোকক শৰফুল গ্ৰাম্য চিকিৎসালয়ত ভৰ্তি কৰোৱা হয়৷
আনহাতে বান্দৰজনীৰ আক্ৰমণৰ খবৰ স্থানীয় বন বিভাগলৈ প্ৰেৰণ কৰা হয় আৰু বন বিভাগৰ দলে পিঞ্জৰা লৈ বান্দৰজনীক উদ্ধাৰ কৰি গঞাসকলক ৰক্ষা কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
