অভিজ্ঞ সঞ্জীৱ কাপুৰক জেট এয়াৰৱেজৰ মুখ্য কাৰ্যবাহী বিষয়াৰূপে নিযুক্তি প্ৰদান কৰা হৈছে৷ শুকুৰবাৰে প্ৰতিষ্ঠানটোৱে এই ঘোষণা কৰিছে৷
প্ৰতিষ্ঠানটোৱে লগতে জনাইছে যে কাপুৰে অহা ৪ এপ্ৰিলত জেট এয়াৰৱেজৰ মুখ্য কাৰ্যবাহী বিষয়াৰ দ্বায়িত্বভাৰ গ্ৰহণ কৰিব৷
সঞ্জীৱ কাপুৰে বৰ্তমান অ’বেৰয় হোটেল এণ্ড ৰিজ’ৰ্টৰ অধ্যক্ষৰ দায়িত্ব আছে৷ তেওঁ অ’বেৰয় গোটত যোগদান কৰাৰ পূৰ্বে ভিষ্টাৰাৰ মুখ্য ৰণনীতি আৰু বাণিজ্যিক বিষয়া আছিল৷ উক্ত প্ৰতিষ্ঠানটোত তেওঁ ৰণনীতি, বিপণন, নেটৱৰ্ক পৰিকল্পনা আৰু অন্যান্য কাৰ্যকলাপবোৰ তদাৰক কৰিছিল।
লগতে পঢ়ক বিতৰ্কৰ কুইন ৰাখী সাৱন্তৰ সকীয়নি ৰাছিয়াক, ‘যুদ্ধ বন্ধ কৰক নহ’লে…’ কি ক’লে ৰাখীয়ে?
২০১৪-১৫ বৰ্ষত কাপুৰে স্পাইচজেটক ইয়াৰ মুখ্য কাৰ্যবাহী বিষয়া হিচাপে নেতৃত্ব দি প্ৰতিষ্ঠানটোৰ অভিনৱ মূল্য নিৰ্ধাৰণ কৰি বিপণন ৰণনীতি ৰূপায়ণ কৰিছিল। এই সময়ছোৱাতে বিমান সংস্থাটোৱে বৰ্ধিত ইন্ধনৰ মূল্যৰ বাবে বিত্তীয় সংকটৰ সন্মুখীন হৈ মালিকীস্বত্ব হস্তান্তৰ কৰিবলৈ বাধ্য হৈছিল। ইয়াৰ পিছতে ২০১৬ চনত সঞ্জীৱ কাপুৰে স্পাইচজেট এৰিছিল।
ইফালে যোৱা মাহত কনচৰ্টিয়ামে শ্ৰীলংকাএয়াৰলাইনছৰ প্ৰাক্তন মুখ্য কাৰ্যবাহী বিষয়া বিপুল গুণটিলেকাক জেটৰ মুখ্য বিত্তীয় বিষয়া হিচাপে নিযুক্তি দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
