অসম লাইভ২৪ঃ অযোধ্যাৰ ৰাম মন্দিৰৰ নিৰ্মাণৰ কাম প্ৰায় শেষ পৰ্যায়ত। জোৰদাৰ ভাৱে চলিছে নিৰ্মাণৰ কাম। ২২ জানুৱাৰীত উদ্বোধন হ’ব ৰাম মন্দিৰ। ২২ জানুৱাৰীত প্ৰধানমন্ত্ৰী নৰেন্দ্ৰ মোদীয়ে ৰামৰ মূৰ্তি প্ৰতিষ্ঠা কৰিব। ইতিমধ্যেই অতিথি আমন্ত্ৰণৰ কাম ৰাম মন্দিৰ কৰ্তৃপক্ষই আৰম্ভ কৰিছে। মুঠ ৫০ খন দেশৰ প্ৰতিনিধিৰ আমন্ত্ৰণ জনাইছে ৰামমন্দিৰ তীৰ্থক্ষেত্ৰ ট্ৰাষ্টে। ইয়াৰ মাজতেই মুছলমান দেশসমূহকো আমন্ত্ৰণ জনোৱা হ’ব। ২২ জানুৱাৰীত ৰামৰ প্ৰাণপ্ৰতিষ্ঠা অনুষ্ঠানৰ বাবে মুছলমান দেশসহ ৫০ খন দেশৰ প্ৰতিনিধিক অযোধ্যালৈ আমন্ত্ৰণ জনাইছে ৰাম মন্দিৰ ট্ৰাষ্টে।
ৰাম মন্দিৰ ট্ৰাষ্টৰ তৰফৰ পৰা জনোৱা অনুসৰি কেৱল সনাতন ধৰ্মত বিশ্বাসী মানুহেই এই উদ্বোধনী অনুষ্ঠানলৈ আহিব তেনে নহয়। নতুন দিল্লীত ছিনিয়ৰ ৰাষ্ট্ৰীয় স্বয়ংসেৱক সংঘ আৰু ভিএইছপি নেতাই বিদেশী প্ৰতিনিধিৰ তালিকা চূড়ান্ত কৰিছে। RSSৰ তৰফৰ পৰা চূড়ান্ত কৰা তালিকাত আছে, ছৌদি আৰৱ, আমেৰিকা, অষ্ট্ৰেলিয়া, ব্ৰিটেইন, ডুবাইকে ধৰি অন্যান্য কেইবাখনো দেশৰ নেতাসকল।
উল্লেখ্য যে ৰাম মন্দিৰৰ উদ্বোধনী অনুষ্ঠানত মোদীৰ সৈতে উপস্থিত থাকিব উত্তৰ প্ৰদেশৰ মুখ্যমন্ত্ৰী যোগী আদিত্যনাথ, আৰ এছ এছ প্ৰধান মোহন ভাগৱত। ব্যৱসায়ৰ পৰা বিনোদন, খেলৰ পৰা ৰাজনীতি সকলো ক্ষেত্ৰৰেই হাইপ্ৰফাইল ছেলিব্ৰিটিসকল আছে আমন্ত্ৰিত অতিথিৰ তালিকাত। ৰাম মন্দিৰ ট্ৰাষ্টৰ তৰফৰ পৰা জনোৱা অনুসৰি ৭ হাজাৰো অধিক অতিথি এই অনুষ্ঠানত উপস্থিত থাকিব। ইয়াৰমাজতেই আছে ৩হাজাৰ জন ভি আই পি অতিথি। ভিন্ন ধৰ্মৰ ধৰ্মগুৰুও উপস্থিত থাকিব এই অনুষ্ঠানত। ৰাম মন্দিৰ আন্দোলনত যি ৫০ জন লোকে প্ৰাণ হেৰুৱাইছিল তেওঁলোকৰ পৰিয়ালকো এই অনুষ্ঠানলৈ আমন্ত্ৰণ জনোৱা হৈছে। নিৰাপত্তা যাতে কোনো কাৰণতে বিঘ্নিত নহয় তাৰবাবে একাধিক নিয়ম তৈয়াৰো কৰিছে যোগী চৰকাৰে। যিসকল ধৰ্মগুৰু ২২ জানুৱাৰীত মন্দিৰত উপস্থিত হ’ব তেওঁলোকৰ পৰিচয় পত্ৰ হিচাপে আধাৰ কাৰ্ড দাখিল কৰিব লাগিব। মোবাইল কিংবা মানি পাৰ্ছ আৰু পূজাৰ সামগ্ৰী বাহিৰৰ পৰা লৈ যাব নোৱাৰিব কোনোৱে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
