অসম লাইভ২৪ঃ ৰাজনীতিত নচলে কি? ৪০০ গাড়ীৰ কনভয় লৈ ঘৰৰ লৰা ঘৰলৈ উভতিছে। কংগ্ৰেছৰ পৰা গেৰুৱা হোৱা বৈজনাথ সিঙে পুনৰ কংগ্ৰেছ দললৈ উভতি আহিছে। মধ্যপ্ৰদেশৰ নিৰ্বাচনৰ পূৰ্বে সদলবলে কংগ্ৰেছলৈ ঘূৰি অহিছে বৈজনাথ। বৈজনাথৰ এই উভটনি যাত্ৰাই মোক্ষম আঘাত হানিছে বিজেপি দলত। ২০২১ চনত জ্যোতিৰাদিত্য সিন্ধেৰ সৈতে বিজেপিত যোগদান কৰিছিল বৈজনাথ সিঙে। কিন্তু ২ বছৰ পাৰ হ’ল কি নহ’ল মোহভংগ হ’ল বৈজনাথৰ। শেষত বৈজনাথে সিদ্ধান্ত ল’লে যে তেওঁ পুনৰ কংগ্ৰেছলৈ উভতি যাব। সিদ্ধান্তমতেই বৈজনাথে ৪০০ বাহনৰ কনভয় লৈ ছাইৰেণ বজাই কংগ্ৰেছত যোগদান কৰে বৈজনাথে। বৃহস্পতিবাৰে পুৱাই বৈজনাথৰ সমদলে দৃষ্টি কাঢ়িছে সকলোৰে।
বৈজনাথ সিঙৰ পত্নী কমলা যাদৱো শিৱপুৰী জিলা পঞ্চায়তৰ অধ্যক্ষ আছিল। কিন্তু চৰ্চালৈ অহা অনুসৰি বৈজনাথ যাদৱৰ শিৱপুৰৰ স্থানীয় বিজেপি কৰ্মকৰ্তাৰ সৈতে মন মিলা নাছিল। সেইবাৰেই বৈজনাথে বিজেপি ত্যাগ কৰাৰ সিদ্ধান্ত লয়।
৪০০ গাড়ীৰে শিৱপুৰৰ পৰা ভূপাললৈ যাত্ৰা
শিৱপুৰীৰ পৰা ভূপাললৈকে বৈজনাথ সিঙে ৩০০ কিলোমিটাৰ পথ ছাইৰেণ বজাই ৪০০ গাড়ী লৈ যাত্ৰা কৰি কংগ্ৰেছত যোগদান কৰে। ২০২১ চনত বিজেপিৰ শিৱৰাজ সিং চৌহান অহাৰ সময়তেই বৈজনাথে বিজেপিৰ সদস্য হৈছিল। সিন্ধে চৰকাৰ গঠন কৰাৰ পাছত সিন্ধেক কেন্দ্ৰীয় অসামৰিক বিমান পৰিবহণ মন্ত্ৰী হিচাপে নিযুক্তি দিয়া হয়। কিন্তু এইসমূহে বৈজনাথক সন্তুষ্ট কৰিব পৰা নাছিল। মানসিক অশান্তিত ভাৰাক্ৰান্ত হৈয়ে পুনৰ কংগ্ৰেছলৈ ওভতি অহাৰ সিদ্ধান্ত লয় বৈজয়ন্তই।
বৈজনাথে বিজেপি ত্যাগ কৰি আজি অৰ্থাৎ বৃহস্পতিবাৰে কংগ্ৰেছলৈ উভতিছে। বৈজনাথক এই যাত্ৰাত সম্ভাষণ জনাইছে মধ্যপ্ৰদেশ প্ৰদেশ কংগ্ৰেছৰ সভাপতি কমল নাথে। কংগ্ৰেছৰ আন এজন জ্যেষ্ঠ নেতা দিগ্বীজয় সিঙেও সম্ভাষণ জনাই পুৰণি সতীৰ্থক।
ইপিনে, ৪০০ গাড়ীৰ কনভয় দেখি ভূপালৰ নাগৰিকৰো চকু কপালত উঠিছে। কনভয় ৰাষ্ট্ৰীয় ঘাইপথেৰে পাৰ হৈ যোৱাৰ সময়ত বহু লোকে ম’বাইলত এই দৃশ্য বন্দী কৰিছে। বৈজনাথ কংগ্ৰেছলৈ উভতি যোৱাৰ বিষয়টোতকৈয়ো চৰ্চা লাভ কৰিছে তেওঁৰ কনভয়ে। বিজেপিয়েও এই বিষয়টোক লৈ প্ৰশ্ন উত্থাপন কৰিছে, ‘ছাইৰেণ বজাই কোনোবা দলত যোগদান কৰিবলৈ যোৱাটো সঠিক কাম কেনেকৈ হ’ব? কোনে তেওঁলোকক এইদৰে ছাইৰেণ বজাই যাত্ৰা কৰিবলৈ অনুমতি দিলে?’
উল্লেখ্য যে বিজেপিয়ে কৰা এই মন্তব্যৰ প্ৰত্তুত্ত্যৰ দিছে এতিয়া মধ্যপ্ৰদেশ কংগ্ৰেছে। কংগ্ৰেছৰ কৰ্মীয়ে ইয়াৰ উত্তৰত কয় যে, ‘বিজেপিয়ে সংকট দেখিলে নিজা নিজা আইন বহু উলিয়াই, তেনে আইন কেৱল তেওঁলোকেহে বুজে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
