কাম কৰি কৰি বেংক কৰ্মী শুই পৰিছিল৷৷ শুই পৰোতেই আঙুলিৰ চাপত গ্ৰাহকৰ একাউণ্টত সোমাল ১৯৮৬ কোটি টকা৷ এই ঘটনা জাৰ্মানৰ৷ ঘটনাটো কেনেকৈ ঘটিছিল তাৰ বৰ্ণনা নিজেই দিছে কৰ্মীয়ে৷
কৰ্মীগৰাকীয়ে কয় যে তেওঁ লেথাৰিকৈ কাম কৰি কৰি ক্লান্ত হৈ শুই পৰিছিত৷ চকুকেইটাক অলপমান আৰাম দিম ভাৱি কাম কৰি থকা স্থানতেই শুই পৰিছিল৷ কী বৰ্ডৰ ওপৰত মূৰ থৈ শুই পৰিছিল কৰ্মীজন৷ আঙুলিৰ চাপ পৰি যি পঠিয়াব লগা আছিল তাতোকৈ অধিক ধন গ্ৰাহকৰ একাউণ্টলৈ গুচি যায়৷
সেই একাউণ্টত পঠিওৱাৰ কথা আছিল জাৰ্মানীৰ মুদ্ৰাৰ হিচাপত ৬৪.২০ ইউৰো৷ কিন্তু কম্পিউটাৰ কীবৰ্ডৰ দুই সংখ্যাৰ বাটনত চাপ পৰি যায়৷ ফলত ২২২,২২২,২২২.২২ ইউৰো বা ২২২ মিলিউন ইউৰো গুচি যায় গ্ৰাহকৰ একাউণ্টত৷ ভাৰতীয় মুদ্ৰাত এই সংখ্যা প্ৰায় ১৯৮৬ কোটি টকা৷ বেংকৰ অন্য এগৰাকী কৰ্মচাৰীৰ নজৰত পৰে সমগ্ৰ বিষয়টো৷ তেওঁ সম্পূৰ্ণ প্ৰচেছ সম্পূৰ্ণ হোৱাৰ পূৰ্বেই এয়া ৰখাই দিয়ে৷
অলপ ভুলৰ বাবেই মাৰাত্মক ভুল হোৱাৰ পৰা ৰক্ষা পৰে বেংক কৰ্তৃপক্ষও৷ ঘটনাটো বেংকৰ মালিকৰো কানত পৰিছে৷ লগে লগেই সেই কৰ্মচাৰীক বেংকৰ পৰা বাহিৰ কৰি দিয়া হয়৷ সেই বিষয়টোক লৈ কৰ্মচাৰীজন আদালতৰ দ্বাৰস্ত হৈছে৷ আদালতত সমগ্ৰ বিষয়টো পৰ্যবেক্ষণ কৰি সেই কৰ্মীক বেংকত পুনৰ চাকৰি দিয়াৰ ৰায় দিয়ে৷ সমগ্ৰ গোচৰৰ ৰায় দিবলৈ গৈ আদালতে কয়, ‘প্ৰতিদিনে শত শত লেনদেন কৰাৰ বাবে সেই ব্যক্তিগৰাকী বহু চাপৰ মাজত আছিল৷ সেই দুৰ্ঘটনাৰ দিনাও তেওঁৰ বেংকৰ মুঠ ৮১২ টা নথি পৰীক্ষা কৰিছিল আৰু প্ৰতিটো নথি খুটি নাটি দেখাৰ বাবে সেই ব্যক্তিয়ে মাত্ৰ কেই ছেকেণ্ড সময় ব্যয় কৰিছিল৷ সমস্ত তথ্য আপডেট নিৰ্ভুলভাৱে কৰিছিল৷ কামত মাজত ক্লান্তিবশত এটা ভুল হ’ল৷ অৱশ্যে সেই ভুলৰ পৰা তেওঁ ৰক্ষাও পৰিল৷ দৈনিক নিৰ্ভুল কামৰ বাবে সেই ব্যক্তিৰ চাকৰি যোৱা উচিত নহয়৷
এই ঘটনাটো অৱশ্যে এতিয়াৰ নহয়৷ ঘটনাটো ঘটিছিল ২০১২ চনতেই৷ সম্প্ৰতি এই বিষয়টোক লৈ সামাজিক মাধ্যমত চৰ্চা চলিছে৷ বহু কৰ্মচাৰীয়ে এই বিষয়টো সামাজিক মাধ্যমত শ্বেয়াৰ কৰি থকাও পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
