ভাস্কৰ জ্যোতি বৰুৱাঃ বটদ্ৰৱা কাণ্ডৰ মাষ্টাৰ মাইণ্ড আছিকুল ইছলামৰ মৃত্যুক মুখ্যমন্ত্ৰীয়ে দুৰ্ঘটনা আখ্যা দিয়াৰ পাছতে সৰৱ হৈ পৰিছে বিৰোধী৷
আছিকুলৰ মৃত্যুৰ ঘটনাক সন্দেহজনক বুলি মন্তব্য কৰিছে aiudfৰ বিধায়ক ৰফিকুল ইছলামে৷ গাড়ীৰ পৰা অভিযুক্তই কেনেকৈ জঁপিয়াই তাক লৈ প্ৰশ্ন উত্থাপন কৰিছে ৰফিকুল ইছলামে৷
অভিযুক্তক আৰক্ষীয়ে গাড়ীৰ পৰা পেলাই খুন্দিয়াই মাৰে নেকি তাক লৈ সন্দেহ প্ৰকাশ কৰিছে জনিয়াৰ বিধায়কগৰাকীয়ে৷ উচ্চ ন্যায়ালয়ে এনেকুৱা ঘটনাৰ নিজাকৈ গোচৰ তৰি তদন্ত কৰাৰ বাবে আহ্বান জনায় ৰফিকুল ইছলামে৷
লগতে পঢ়ক স্কুল ভান চালকৰ পুত্ৰৰ সফলতাৰ কাহিনী! UPSCৰ পৰীক্ষাত উত্তীৰ্ণ হৈ নজিৰ স্থাপন
বটদ্ৰৱা কাণ্ডক লৈ প্ৰতিক্ৰিয়া প্ৰকাশ কৰিছে AIUDF প্ৰধান বদৰুদ্দিন আজমলে৷ এনকাউণ্টাৰ মানে অসমত পুলিচৰাজ হ’বলৈ গৈ আছে বুলি মন্তব্য আজমলৰ৷
আৰক্ষীৰ জিম্মাৰ পৰা অভিযুক্তই প্ৰতিবাৰে কেনেকৈ পলায়? এই প্ৰশ্ন উত্থাপন কৰিছে কংগ্ৰেছৰ বিধায়ক কমলাক্ষ দে’ পুৰকায়স্থই৷ আৰক্ষীক তীব্ৰ সমালোচনা কৰে উত্তৰ কৰিমগঞ্জৰ বিধায়কগৰাকীয়ে৷
লগতে পঢ়ক গাৰ্হস্থ্য হিংসাৰ বলি হৈ স্বামী গৃহ ত্যাগ, IAS পৰীক্ষাত উত্তীৰ্ণ হৈ আদৰ্শ স্থাপন শিৱাংগীৰ
অভিযুক্তই আৰক্ষীৰ হাতৰ পৰা পলালে এনকাউণ্টাৰ হ’বই বুলি মন্তব্য বিধায়ক ৰমেন্দ্ৰ নাৰায়ণ কলিতাৰ৷ আৰক্ষী কঠোৰ হোৱাৰ বাবে ভয়তে অভিযুক্তই পলায় বুলি উল্লেখ বিধায়কগৰাকীৰ৷
বটদ্ৰৱা কাণ্ডৰ দৰে এই সকলো ঘটনাৰ আঁৰত তৃতীয় পক্ষ জড়িত থকাৰ অভিযোগ উত্থাপন কৰে ৰমেন্দ্ৰ নাৰায়ণ কলিতাই৷ বটদ্ৰৱা কাণ্ডৰ পাছত এতিয়া তীব্ৰ বাকযুদ্ধত লিপ্ত হৈছে শাসক-বিৰোধী৷ মাষ্টাৰ মাইণ্ড আছিকুলৰ মৃত্যুৰ পাছত এতিয়া এনেদৰে সৰৱ হৈ পৰিছে বিৰোধী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
