এগৰাকী স্কুল ভ্যান চালক বিজয় কুমাৰ ঠাকুৰৰ একমাত্ৰ পুত্ৰ সুমিত ঠাকুৰে ইউপিএছচিৰ অসামৰিক সেৱাৰ ফলাফল ২০২১ত ২৬৩ সংখ্যক স্থান লাভ কৰি সফলতা অৰ্জন কৰিছে৷
ঝাৰখণ্ড আদিত্যপুৰ ২ কলনীৰ ৩ নং পথৰ বাসিন্দা সুমিতৰ এই সাফল্যই ৰাজ্যখনৰ লগতে তেওঁলোকৰ এলেকাটোতো আনন্দৰ জোৱাৰ তুলিছে৷
সুমিতে ২০১২ চনত বিস্তুপুৰৰ ৰামকৃষ্ণ মিছন স্কুলৰ পৰা স্কুলীয়া শিক্ষা গ্ৰহণ কৰি তাৰ পিছত ৰাজেন্দ্ৰ বিদ্যালয়ৰ পৰা ইন্টাৰমিডিয়েটৰ শিক্ষা লাভ কৰিছিল।
লগতে পঢ়ক বিশ্বৰ সৰ্ববৃহৎ হুইস্কিৰ বটলটো কিমান ডাঙৰ? ইয়াৰ মূল্য কিমান?
২০১৮ চনত বিআইটি ছিন্দ্ৰীৰ পৰা কম্পিউটাৰ বিজ্ঞানত বিটেক ডিগ্ৰী লাভ কৰি বাংগালুৰুত থাকি সুমিতে ইউপিএছচিৰ প্ৰস্তুতি চলোৱা বুলি প্ৰকাশ কৰিছে৷
সুমিতে লগতে প্ৰকাশ কৰিছে যে বিআইটি ছিন্দ্ৰীৰ পৰা অভিযান্ত্ৰিক স্নাতক হোৱাৰ সময়তে তেওঁ কেম্পাছ প্লেচমেণ্টত তিনিটা বহুজাতিক কোম্পানীত লোভনীয় দৰমহাৰ চাকৰি লাভ কৰিছিল যদিও সেইবোৰ অস্বীকাৰ কৰিছিল। সুমিতে ভাৰতীয় প্ৰশাসনিক সেৱাৰ বিষয়া হোৱাৰ সপোন থকাৰ বাবেই সেই লোভনীয় চাকৰিৰ প্ৰত্যাখ্যান কৰিছিল৷
সংবাদ মাধ্যমত প্ৰকাশ কৰা অনুসৰি সুমিতে ইউপিএছচিৰ অসামৰিক সেৱাৰ পৰীক্ষাত তৃতীয়বাৰ বাবে অৱতীৰ্ণ হৈছিল৷ যোৱা বছৰো তেওঁ ৪৩৫ সংখ্যক স্থানেৰে উত্তীৰ্ণ হৈছিল যদিও একেবাৰেই সুখী হোৱা নাছিল।
লগতে পঢ়ক ৰাম মন্দিৰৰ গৰ্ভগৃহৰ আধাৰশিলা উদ্বোধন যোগীৰ : আৰু কি কি কৰিব ৰাম মন্দিৰত?
আনহাতে, ২০১৯ চনত প্ৰথমবাৰৰ বাবে কৰা প্ৰচেষ্টাত তেওঁ মাত্ৰ তিনি নম্বৰৰ বাবে এই পৰীক্ষাত উত্তীৰ্ণ হোৱাত ব্যৰ্থ হৈছিল।
সুমিতে সংবাদ মাধ্যমৰ আগত কয় যে তেওঁ দিল্লীৰ ভিৰ ভাল নাপালে আৰু সেয়ে ইউপিএছচিৰ পৰীক্ষাৰ প্ৰস্তুতি চলাবলৈ বাংগালুৰুত অকলে থাকিবলৈ লয়।
ইফালে সুমিতে প্ৰথমাৱস্থাত কোনো কোচিং ক্লাছত যোগদান কৰিছিল যদিও তাৰ শিক্ষণ পদ্ধতিটো ভাল নোপোৱাৰ বাবে তিনিমাহৰ পিছতে কোচিং প্ৰতিষ্ঠান ত্যাগ কৰিছিল। নিজৰ মেধা, সাধনা তথা প্ৰচেষ্টাৰ বলতে সুমিতে নিজৰ কাংক্ষিত ফলাফল লাভ কৰা বুলি প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ