সমুখ সমৰত নামিব পাৰে ভাৰতীয় ক্ৰিকেট নিয়ন্ত্ৰণ ব’ৰ্ডৰ অধ্যক্ষ সৌৰভ গাংগুলী আৰু সচিব জয় শ্বাহ৷
ভাৰতীয় জাতীয় ক্ৰিকেট দলৰ প্ৰাক্তন অধিনায়ক তথা BCCIৰ অধ্যক্ষ সৌৰভ গাংগুলী আৰু সচিব জয় শ্বাহে দুয়োগৰাকীয়ে আন্তঃৰাষ্ট্ৰীয় ক্ৰিকেট কাউন্সিলৰ অধ্যক্ষ পদৰ দাবীদাৰ হ’ব পাৰে৷ এই দাবী কৰিছে কলকতাস্থিত এক সংবাদ পত্ৰই৷
দ্য টেলিগ্ৰাফৰ এক বাতৰিৰ মতে ভাৰতীয় ক্ৰিকেট কাউন্সিলৰ দুই শীৰ্ষ বিষয়ববীয়াই ICCৰ অধ্যক্ষ পদৰ বাবে মুখামুখী সমৰত প্ৰবৃত্ত হ’ব পাৰে৷
লগতে পঢ়ক মৌলিক সমস্যাৰপৰা পলায়ন শিক্ষামন্ত্ৰীৰ! মণিপুৰৰ শিশুটিৰ শিক্ষাৰ দায়িত্বহে গ্ৰহণ
উল্লেখ্য যে অহা নৱেম্বৰত ICCৰ অধ্যক্ষ গ্ৰেগ বাৰ্ক্লেৰ কাৰ্যকাল সমাপ্ত হ’ব৷ প্ৰকাশ পোৱা অনুসৰি বাক্লেই পুনৰ ICCৰ অধ্যক্ষ পদত থাকিবলৈ বিচৰা নাই৷ ২০২০ৰ নৱেম্বৰত গ্ৰেগ বাৰ্ক্লেই শশাংক মনোহৰৰ পৰা বিশ্ব ক্ৰিকেটৰ শীৰ্ষ সংস্থাটোৰ অধ্যক্ষ পদ গ্ৰহণ কৰিছিল৷
২০২২ৰ নৱেম্বৰলৈকে গ্ৰেগ বাৰ্ক্লেই ICCৰ শীৰ্ষ পদটোত অধিষ্ঠিত হৈ থাকিব৷ নৱেম্বৰত ICCৰ নতুন অধ্যক্ষই দায়িত্ব গ্ৰহণ কৰিব৷ ইয়াৰ পূৰ্বে ICCৰ অধ্যক্ষক নিৰ্বাচন কৰা হ’ব৷
লগতে পঢ়ক ৩ বছৰীয়া সম্পৰ্কৰ শেষ! অন্যন্যা আৰু ইশানৰ মাজত বিচ্ছেদ
স্মৰ্তব্য যে ইয়াৰ পূৰ্বে পাঁচগৰাকীয়ে ক্ৰিকেট প্ৰশাসকে বিশ্ব ক্ৰিকেটৰ সৰ্বোচ্চ সংস্থাটোৰ মুখ্য পদত অধিষ্ঠিত হৈছিল৷
১৯৯৭-২০০০ কাৰ্যকালত জগমোহন ডালমিয়া, ২০১০-১২ কাৰ্যকালত শাৰদ পাৱাৰ, ২০১৪-১৫ কাৰ্যকালত এন শ্ৰীনিবাসন আৰু ২০১৫-২০ কাৰ্যকালত শশাংক মনোহৰে ICCৰ অধ্যক্ষৰ পদত অধিষ্ঠিত হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
