ৰাছিয়া ইউক্ৰেইনৰ যুদ্ধৰ মাজতে এইবাৰ এছিয়াত বাজিব পাৰে যুদ্ধৰ দামামা! এছিয়াৰ দুই চিৰ বৈৰী ৰাষ্ট্ৰ উত্তৰ কোৰিয়াই দক্ষিণ কোৰিয়াক এই হুংকাৰ দিছে৷
উত্তৰ কোৰিয়াৰ একনায়কত্ববাদী শাসক কিম জং উনৰ ভগ্নী কিম ইয়ো জঙে দক্ষিণ কোৰিয়াক পৰমাণু অস্ত্ৰেৰে আক্ৰমণ কৰাৰ ভাবুকি প্ৰদান কৰিছে৷
দক্ষিণ কোৰিয়াই উত্তৰ কোৰিয়াৰ এক ইঞ্চিও মাটি দখলৰ দুঃসাহস কৰিলেই উত্তৰ কোৰিয়াই চিৰ বৈৰী ৰাষ্ট্ৰ দক্ষিণ কোৰিয়াক পৰমাণু অস্ত্ৰেৰে আক্ৰমণ কৰি তচনচ কৰিব৷
লগতে পঢ়ক ৩ বছৰীয়া সম্পৰ্কৰ শেষ! অন্যন্যা আৰু ইশানৰ মাজত বিচ্ছেদ
ইমানেই নহয় এটা মুহূতৰ্তে দক্ষিণ কোৰিয়াক সম্পূৰ্ণৰূপে ধ্বংসস্তূপত পৰিণত কৰি পেলাব বুলিও হুংকাৰ প্ৰদান কৰিছে কিম ইয়ো জঙে৷
চলিত মাহতে উত্তৰ কোৰিয়াই মহাশক্তিধৰ ক্ষেপণাস্ত্ৰ পৰীক্ষামূলক প্ৰয়োগ কৰিবলৈ সাজু হৈছে৷ পিয়ংইয়ঙৰ এই প্ৰস্তুতিৰ পূৰ্বে শাসক কিম জঙৰ ভগ্নীয়ে দক্ষিণ কোৰিয়াক এই ভাবুকি প্ৰদান কৰাটোৱে এছিয়াৰ উক্ত অঞ্চলটোত যুদ্ধৰ উত্তেজনা বৃদ্ধি কৰিছে৷
উল্লেখ্য যে যোৱা সপ্তাহত দক্ষিণ কোৰিয়াৰ প্ৰতিৰক্ষা মন্ত্ৰী চুহ হুকে উত্তৰ কোৰিয়াৰ হাতত অত্যাধুনিক ক্ষেপণাস্ত্ৰ ভাণ্ডাৰ আছে বুলি মন্তব্য কৰিছিল৷ ইয়াৰ পিছতে উত্তৰ কোৰিয়াই দক্ষিণ কোৰিয়াৰ বিৰুদ্ধে আক্ৰমণাত্মক হোৱা দেখা গৈছে৷
লগতে পঢ়ক দুই নায়িকাৰ জলকেলি, চুম্বনসহ গভীৰ যৌনতা : ‘ডেঞ্জৰাছ’ৰ জুইত দ্বগ্ধ হওক আপুনি!
‘‘যদি দক্ষিণ কোৰিয়াৰ সেনাই আমাৰ এক ইঞ্চিও মাটি দখল কৰাৰ চেষ্টা কৰে, তেনে তাৰ ভয়ংকৰ পৰিণাম ভুগিব লাগিব৷ কি ঘটিব পাৰে সেয়া ছিউলে ভাবিবও নোৱাৰিব৷’’ ইয়ো জঙে কয়৷
উত্তৰ কোৰিয়াৰ চৰকাৰী সংবাদ মাধ্যমে ইয়ো জঙৰ উদ্ধৃতিৰে প্ৰকাশ কৰিছে যে যদি দক্ষিণ কোৰিয়াই উত্তৰ কোৰিয়াৰ সৈতে সংঘাতত লিপ্ত হ’বলৈ বিচাৰিছে তেনে পৰমাণু অস্ত্ৰৰ আক্ৰমণৰ বাবে সাজু থাকিব লাগিব৷
লগতে পঢ়ক ‘অলংকাৰ মিনি স্কাৰ্ট, হাই হিল শাৰী পিন্ধিব নোৱাৰি হতাশ পুৰুষ!’ কিয় পুৰুষক তুলাধুনা তছলিমাৰ?
উল্লেখ্য যে কিম জং উনৰ ভগ্নী কিম ইয়ো জঙৰ ভাতৃৰ পিছতে উত্তৰ কোৰিয়াত সৰ্বাধিক ক্ষমতাশালী ব্যক্তি৷ দক্ষিণ কোৰিয়াৰ সৈতে উত্তৰ কোৰিয়াৰ সম্পৰ্ক কেনে ধৰণৰ হ’ব সেয়া কিম জঙৰ ভগ্নী ইয়ো জঙৰ ওপৰতেই নিৰ্ভৰ কৰে৷
ৰাছিয়া ইউক্ৰেইনৰ যুদ্ধই ক্ৰমশঃ ভয়াৱহ ৰূপ লোৱাৰ লগতে বিশ্বৰ অৰ্থনীতি শোচনীয় হৈ পৰাৰ সময়তে এছিয়াতো বাজিবলৈ ধৰা যুদ্ধ দামামাই বিশ্ববাসীক চিন্তিত কৰি তুলিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
