কপালৰ ফুট কাণ্ডই বাংলাদেশৰ ৰাজধানী ঢাকা উত্তাল কৰি ৰাখিছে৷ সাধাৰণ লোকৰ পৰা বিশিষ্ট ব্যক্তিলৈকে প্ৰতিবাদ সম্প্ৰসাৰিত হৈছে৷
সাধাৰণ জনতাই দেশৰ ৰাজধানীৰ ৰাজপথত কৰা এই প্ৰতিবাদৰ সৈতে চামিল হৈছে বাংলাদেশৰ নিৰ্বাসিত প্ৰসিদ্ধ লেখিকা তছলিমা নাছৰিণে৷
নাছৰিণে টুইটাৰত পুৰুষসকলৰ বিৰুদ্ধে বিষোদগাৰ প্ৰকাশ কৰাৰ লগতে চৰমভাৱে তাচ্ছিল্যও কৰা দেখা গৈছে৷ নিজৰ টুইটাৰ হেণ্ডলত নিৰ্বাসিত বাংলাদেশী লেখিকাগৰাকীয়ে কয় যে পুৰুসকলে কপালত ফুট লোৱাটো দূৰৰে কথা তেওঁলোকৰ পোছাকেই নাই৷
লগতে পঢ়ক কি কি কাৰণত ৪ এপ্ৰিল পাকিস্তান আৰু ইতিহাসৰ বাবে বিশেষভাৱে উল্লেখযোগ্য?
নাৰীসকল বিভিন্ন পোছাকেৰে সমৃদ্ধ বুলি প্ৰকাশ কৰি তছলিমা নাছৰিণে কয় যে মুছলমান পুৰষে স্বৰ্গ লাভৰ লোভত থেতেলিয়াই থেতেলিয়াই নিজৰ কপাল ক’লা কৰি ফুট সৃষ্টি কৰিবলগীয়া হৈছে৷
‘‘ফুট ফুট ফুট৷ ছোৱালীবোৰে কিমান যে পোছাক পৰিধান কৰিব পাৰে! ল’ৰাবোৰ দুখীয়া, তেওঁলোকৰ পিন্ধিবলৈ একোৱেই নাই৷ তোমালোকে বিভিন্ন ধৰণৰ অলংকাৰ, শাৰী, মিনি স্কাৰ্ট, হাই হিল, আনকি টপো পিন্ধিব নোৱাৰা৷’’ কপালত ফুট লৈ থকা দুখনমান ফ’টো শ্বেয়াৰ কৰি তছলিমা নাছৰিণে পুৰুষসকলক এইদৰে তীব্ৰ ভাষাৰে কটাক্ষ কৰিছে৷
উল্লেখ্য যে বাংলাদেশৰ ৰাজধানী ঢাকাৰ তেজগাঁও মহাবিদ্যালয়ৰ এগৰাকী শিক্ষয়িত্ৰী লতা সমাদ্দাৰক কৰ্তব্যৰত চৰকাৰী বিষয়াই কপালত ‘কিয় ফুট’ লৈছে বুলি প্ৰশ্ন কৰি অত্যাচাৰ কৰিছিল৷
লগতে পঢ়ক অবিশ্বাস্য হ’লেও সত্য! ১০৭ বছৰ পূৰ্বে সন্ধানহীন জাহাজ অক্ষত অৱস্থাত উদ্ধাৰ
কেৱল ইমানেই নহয় শিক্ষয়িত্ৰীগৰাকীক বিষয়াজনে অপমান কৰি তেওঁৰ ভৰিৰ ওপৰেৰে বাহন চলাই নিছিল যাৰফলত শিক্ষয়িত্ৰীগৰাকীয়ে ভৰিটো গুৰুতৰভাৱে আঘাতপ্ৰাপ্ত হয়৷
ইয়াৰ পিছতে দেশখনৰ ৰাজধানী চহৰখন প্ৰতিবাদত উত্তাল হৈ উঠিছে৷ ৰাজধানী চহৰখনৰ সাধাৰণ লোকে শিক্ষয়িত্ৰী লতা সমাদ্দাৰক সমৰ্থন কৰাৰ লগতে কপালত ফুট লোৱাতোকো সমৰ্থন কৰা দেখা গৈছে৷
ঘটনাটো সংঘটিত হোৱাৰ পিছতে শ্বেৰ-ই-বাংলা নগৰ আৰক্ষীয়ে সাধাৰণ গোচৰ ৰুজু কৰিছিল যদিও প্ৰতিবাদত হেও মানি আৰক্ষীয়ে বিষয়টো গুৰুত্বসহকাৰে ল’বলৈ বাধ্য হৈছে৷
তেজগাঁও অতিৰিক্ত আৰক্ষী আয়ুক্ত ৰুবাইয়ত জামানে কয় যে ঘটনাটো গুৰুত্ব সহকাৰে লোৱা হৈছে৷ অপ্ৰত্যাশিত ঘটনাটোত জড়িত অভিযুক্ত কৰায়ত্ত কৰিবলৈ আৰক্ষীয়ে অভিযান অব্যাহত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
