আজিৰ দিনটো অৰ্থাৎ ৪ এপ্ৰিল বিশ্বৰ লগতে পাকিস্তানৰ ইতিহাসৰ বাবেও বিশেষ গুৰুত্বপূৰ্ণ দিন। প্ৰাক্তন প্ৰধানমন্ত্ৰী নৱাজ শ্বৰীফৰ ওপৰত হোৱা আক্ৰমণৰ লগতে আজিৰ দিনটোতে পাকিস্তানৰ এজন প্ৰাক্তন প্ৰধানমন্ত্ৰীক ফাঁচী দিয়া হৈছিল।
প্ৰাক্তন প্ৰধানমন্ত্ৰী জুলফিকাৰ আলী ভুট্টোক বিৰোধী ৰাজনৈতিক নেতাক হত্যা কৰাৰ অভিযোগত ফাঁচি দিয়া হৈছিল৷ এতিয়াৰ পাকিস্তানৰ প্ৰধানমন্ত্ৰী ইমৰান খান চৰকাৰক উৎখাত কৰা বিৰোধী দলৰ এগৰাকী অন্যতম নেতা বিলাৱল ভুট্টোৰ ককাক আছিল জুলফিকৰ আলী ভুট্টো৷
১৯৭৯ চনৰ ৪ এপ্ৰিলত পাকিস্তানৰ প্ৰথম গণতান্ত্ৰিকভাৱে নিৰ্বাচিত প্ৰধানমন্ত্ৰী জুলফিকাৰ আলী ভুট্টোক সামৰিক শাসনে ৰাৱালপিণ্ডি কাৰাগাৰত ফাঁচী দিয়ে। ফাঁচী দিয়াৰ মাত্ৰ দুবছৰ আগলৈকে তেওঁ পাকিস্তানৰ প্ৰধানমন্ত্ৰী আছিল।
লগতে পঢ়ক পিতৃৰ পদাংক অনুসৰণ : শীঘ্ৰেই ৰাজনীতিত ভৰি দিব জ্যোতিৰাদিত্যৰ পুত্ৰ মহাআৰ্যমানে!
দেশ আৰু বিশ্বৰ ইতিহাসত ৪ এপ্ৰিলৰ ইতিহাস কি?
১৮৫৮ চনৰ ৪ এপ্ৰিলত ব্ৰিটিছ সেনাৰ বিৰুদ্ধে তীব্ৰ সংগ্ৰামৰ পিছত ঝান্সিৰ ৰাণী লক্ষ্মীবাই ঝান্সি এৰিব লগা হয়।
৪ এপ্ৰিলত দ্বিতীয় বিশ্বযুদ্ধৰ টাৰ্ণিং পইণ্ট বুলিও কোৱা হয়৷ ‘কোহিমাৰ যুদ্ধ’ ১৯৪৪ চনৰ আজিৰ দিনটোতে আৰম্ভ হৈছিল, যিয়ে দক্ষিণ পূৱ এছিয়াত জাপানৰ আগ্ৰাসন স্তব্ধ কৰিছিল।
লগতে পঢ়ক মহিলাসহ কন্যা শিশুক ধৰ্ষণ ৰুছ সেনাৰ : দাহন কৰিও অত্যাচাৰ ইউক্ৰেইনৰ মহিলাক!
আনকেইটামান বিশেষ উল্লেখযোগ্য ঘটনা —
১৭৬৮ – ফিলিপ এছলীয়ে আধুনিক চাৰ্কাছৰ প্ৰথম প্ৰদৰ্শনীৰ আৰম্ভ কৰা হয়।
১৭৬৯ – হাইদৰ আলীয়ে প্ৰথম এংলো-মহীশূৰ যুদ্ধত শান্তিৰ চৰ্তাৱলী নিৰ্ধাৰণ কৰে।
১৮১৮ – আমেৰিকা যুক্তৰাষ্ট্ৰৰ কংগ্ৰেছে আমেৰিকা যুক্তৰাষ্ট্ৰৰ পতাকাক অনুমোদন জনায়।
১৮৫৮ – হুগ ৰছৰ নেতৃত্বত ব্ৰিটিছ সেনাৰ বিৰুদ্ধে হোৱা ভয়ংকৰ যুদ্ধৰ পিছত ৰাণী লক্ষ্মীবাই ঝান্সি ত্যাগ কৰিবলৈ বাধ্য হয়। তাই প্ৰথমে কালপিলৈ আৰু তাৰ পিছত গোৱালিয়ৰলৈ পলায় গৈছিল।
লগতে পঢ়ক শিশু কন্যাক ধৰ্ষণ : ৫৬ বছৰীয়া অভিযুক্ত মহিম শৰ্মাক আৰক্ষীৰ এনকাউণ্টাৰ
১৯০৪ – হিন্দী চলচ্চিত্ৰৰ হাৰ্দিল আজিজ গায়ক আৰু শিল্পী কুন্দন লাল চেহগলৰ জন্ম।
১৯০৫ – ভাৰতৰ কাংৰা উপত্যকাত হোৱা ভূমিকম্পত ২০,০০০ লোকৰ মৃত্যু হয়।
১৯১০ – শ্ৰী অৰবিন্দ পুডুচেৰীত উপস্থিত হয় যি পিছলৈ তেওঁৰ ধ্যান আৰু আধ্যাত্মিকতাৰ কেন্দ্ৰবিন্দু হৈ পৰে।
১৯৪৪ – দ্বিতীয় বিশ্বযুদ্ধত বুখাৰেষ্টত এংলো-আমেৰিকান সেনাই তেল শোধন প্ৰকল্পত প্ৰথম বোমা বিস্ফোৰণ কৰি তিনি হাজাৰ নাগৰিকক হত্যা কৰে।
লগতে পঢ়ক আৰিয়ান খান ড্ৰাগছ কাণ্ড : প্ৰধান সাক্ষী প্ৰভাকৰ ছেইল ৰহস্যজনক মৃত্যু
১৯৬৮ – মাৰ্টিন লুথাৰ কিংক টেনেচীৰ মেমফিছত হত্যা কৰা হয়।
১৯৬৮ – নাছাই এপ’ল’ ৬ উৎক্ষেপণ কৰে।
১৯৭৫ – বিল গেটছ আৰু পল এলেনৰ মাজত অংশীদাৰীত্বত মাইক্ৰছফ্ট নিউ মেক্সিকোৰ আলব্বাৰ্কত প্ৰতিষ্ঠা কৰা হয়।
১৯৭৯ – পাকিস্তানৰ প্ৰাক্তন প্ৰধানমন্ত্ৰী জুলফিকৰ আলী ভুট্টোক মৃত্যুদণ্ড দিয়া হয়।
১৯৮৩ – স্পেচ শ্বাটল চেলেঞ্জাৰে ইয়াৰ প্ৰথম উৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
