অসম লাইভ ২৪ঃ কোভিডৰ ভয়াৱহতাৰ প্ৰতি লক্ষ্য ৰাখি বাতিল কৰা হ’ল বেলতলাৰ ব’হাগী উৎসৱ। শনিবাৰে এক সংবাদমেলযোগে অনুষ্ঠান বাতিলৰ ঘোষণা কৰে আয়োজক সমিতিয়ে। ইয়াৰ উপৰিও ৰাজ্য চৰকাৰে জাৰি কৰা কোভিড প্ৰট’কল মানি অনুষ্ঠান আয়োজন কৰিবলৈ অপাৰগতা প্ৰকাশ কৰি অনুষ্ঠান বাতিলৰ সিদ্ধান্ত গ্ৰহণ কৰে বুলি সংবাদ মাধ্যমক অৱগত কৰে বিহু উদযাপন কমিটীয়ে। ২৩,২৪ আৰু ২৫ এপ্ৰিলত তিনিদিনীয়া কাৰ্যসূচীৰে আয়োজন কৰিছিল বেলতলাৰ ব’হাগী উৎসৱ। এইবৰ্ষৰ বেলতলাৰ ব’হাগী উৎসৱত জুবিন, পাপন, শংকুৰাজ আৰু মহালক্ষ্মী আয়াৰৰ সংগীতানুষ্ঠান আছিল। আনহাতে আয়োজক সমিতিয়ে প্ৰসিদ্ধ শিল্পী উদিত নাৰায়নক ২০২১ বৰ্ষৰ ভূপেন হাজৰিকা বঁটাৰ বাবে নিৰ্বাচিত কৰিছিল। উল্লেখ্য, নিশা ১১ বজাৰ ভিতৰত বিহুৰ সকলো অনুষ্ঠান সমাপ্ত কৰিবলৈ নিৰ্দেশনা প্ৰদান কৰিছিল ৰাজ্য চৰকাৰে। ইয়াৰ ওপৰিও আয়োজক আৰু উদ্যোক্তাসকলক অনুষ্ঠানৰ ৩ দিন পূৰ্বে আৰু ৩ দিন পাছত কোভিড পৰীক্ষণ বাধ্যতামূলক বুলি ঘোষণা কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
