চ’ত সংক্ৰান্তিৰ পাছৰ দিনাৰ পৰা আৰম্ভ হয় অসমীয়াৰ নতুন বছৰ৷ অৰ্থাৎ সূৰ্যই যেতিয়া ৰাশিচক্ৰৰ প্ৰথম ৰাশি মেষত প্ৰৱেশ কৰে তাৰ পিছৰ দিনাৰ পৰাই আৰম্ভ হয় ব’হাগ মাহ৷ বৈদিক পঞ্জিকামতে চ’ত মাহৰ পৰা নতুন বছৰ আৰম্ভ হলেও অসমীয়া পঞ্জিকাৰ হিচাপত নতুন বছৰ আৰম্ভ হয় ব’হাগ মাহৰ পৰা৷ নৱবৰ্ষৰ প্ৰথম দিনটো প্ৰথম ব’হাগ হিচাপে পালন কৰে অসমীয়াই৷ কাইলৈ ১৫ এপ্ৰিল ২০২৬ মঙ্গলবাৰে পালিত হ’ব প্ৰথম ব’হাগ৷ বছৰৰ প্ৰথম দিনটো ঐতিহ্য আৰু সংস্কৃতিৰ মিলন৷ এই বছৰৰ পঞ্জিকা অনুসৰি নৱবৰ্ষৰ প্ৰথম দিনা একেলগে আছে একাধিক শুভ যোগ৷ এই তিনিটা শুভ যোগ হৈছে ইন্দ্ৰ যোগ আৰু ব্ৰহ্মা যোগ৷ ইয়াৰোপৰি কাইলৈ পালিত হব বুধ প্ৰদোষ ব্ৰত আৰু মাহিলী শিৱৰাত্ৰী৷ প্ৰথম ব’হাগত এইসমূহ শুভ যোগৰ কাৰণে নৱবৰ্ষৰ প্ৰথম দিনাই ভাগ্য খুলিব পাঁচ ৰাশিৰ জাতকৰ৷ জানি থওক ১৪৩৩ৰ আৰম্ভণিতে সৌভাগ্যৰ তুংগত থাকিব কোন কোন?
মেষ ৰাশি
বছৰৰ প্ৰথম দিনা কোনো ধৰ্মীয় অনুষ্ঠানত অংশ ল’ব মেষ ৰাশিৰ জাতকে৷ প্ৰথম ব’হাগত মা দুৰ্গাৰ কৃপাত আপোনাৰ ভাগ্যোন্নতি হব৷ এই দিনটোত যি কামতেই হাত দিব তাতেই সাফল্য পাব মেষ ৰাশিৰ জাতকে৷ পৰিয়ালৰ সদস্যসকলৰ সৈতে পূজা অৰ্চনা কৰি দিনটো কটাব৷ সন্ধিয়া সময়ত কোনো শুভ খবৰ লাভ কৰিব পাৰে৷ প্ৰেম আৰু দাম্পত্য জীৱনত মাধুৰ্য বজায় ৰাখিব পাৰিব৷
কৰ্কট ৰাশি
প্ৰথম ব’হাগত ইন্দ্ৰ যোগৰ শুভ প্ৰভাৱ লাভ কৰিব কৰ্কট ৰাশিৰ জাতকে৷ পৰিয়ালৰ সৈতে এই দিনটো খুবেই আনন্দ কৰি কটাব আপুনি৷ বছৰৰ প্ৰথম দিনটোত সম্পত্তি লাভ কৰাৰো যোগ আছে কৰ্কট ৰাশিৰ জাতকৰ সন্মুখত৷ নিজৰ কাম অন্যৰ হাতত এৰি নিদিব৷ পূৰ্বে কৰা বিনিয়োগৰ পৰা আৰ্থিকভাৱে লাভৱান হব৷ কৰোবালৈ ফুৰিবলৈ যাব পাৰে৷
কন্যা ৰাশি
মহাদেৱৰ আশীৰ্বাদত নৱবৰ্ষৰ প্ৰথম দিনটো দুৰ্দান্ত হব কন্যা ৰাশিৰ জাতকৰ৷ পূৰ্বে কৰা ভুলৰ পৰা আপুনি শিক্ষা লব৷ ইয়াৰ ফলত একেই ভুল দুবাৰ নকৰিব৷ প্ৰথম ব’হাগত সন্তানৰ দিশৰ পৰা সুখবৰ লাভ কৰিব৷ এই দিনটোত আৱেগৰ বশত কোনো সিদ্ধান্ত নল’ব৷ কন্যা ৰাশিৰ জাতকে প্ৰথম ব’হাগত কোনো নতুন কামৰ পৰিকল্পনা কৰিব পাৰে৷
বৃশ্চিক ৰাশি
বৃশ্চিক ৰাশিৰ জাতকৰ যিসকল চাকৰিয়াল তেওঁলোকৰ বাবে প্রথম ব’হাগৰ দিনটো ভালকৈ পাৰ হব৷ ইয়াৰোপৰি প্ৰথম দিনটোত বন্ধুৰ সৈতে আনন্দৰ সময় কটাব পাৰিব৷ বন্ধু বা পৰিয়ালৰ সৈতে কৰোবালৈ ফুৰিবলৈ যাব পাৰে৷ ভায়েক ভনীয়েকৰ সৈতে সম্পৰ্ক ভাল হব৷ যিসকল চাকৰিয়াল তেওঁলোকৰ এই সময়ত বহ্ম যোগৰ শুভ প্ৰভাৱত সুখবৰ লাভ কৰাৰ যোগ আছে৷
কুম্ভ ৰাশি
নতুন বছৰৰ প্ৰথম দিনত আৰ্থিক সৌভাগ্য লাভ কৰাৰ সুযোগ পাব মেষ ৰাশিৰ জাতকে৷ এই সময়ত সুকৰ্ম যোগৰ প্রভাৱত আয় বাঢ়িব আপোনাৰ৷ দাম্পত্য জীৱনত সুখ থাকিব৷ নিজৰ কামৰ পথত থকা সকলো বাধা দূৰ হব৷ বাহিৰৰ কাৰোবাৰ ওচৰত নিজৰ মনৰ কথা প্ৰকাশ নকৰিব৷ যিসকলে ব্যৱসায় কৰিছে তেওঁলোকে বছৰৰ প্ৰথম দিনত মোটা টকা লাভ কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
