২৮ আৰু ২৯ মাৰ্চত কেন্দ্ৰীয় চৰকাৰৰ জনগণ নীতিৰ বিৰুদ্ধে কেন্দ্ৰীয় ট্ৰেড ইউনিয়নসমূহে আহ্বান জনোৱা ভাৰত বন্ধলৈ অলইণ্ডিয়া বেংক এমপ্লয়েজ ইউনিয়নৰ লগতে দেশৰ শ্ৰমিক, কৃষকসকলেও পূৰ্ণ সমর্থন আগবঢ়াইছে৷ যাৰ ফলত প্ৰথমটো দিনতে দেশৰ বিভিন্ন প্ৰান্তত বন্ধৰ প্ৰভাৱ স্পষ্টভাৱে পৰা দেখা গৈছে।
বেংক ইউনিয়নসমূহে ৰাজহুৱা খণ্ডৰ বেংকসমূহৰ ব্যক্তিগতকৰণ আৰু বেংকিং আইন সংশোধনী বিধেয়ক ২০২১ৰ বিৰুদ্ধে প্ৰতিবাদত এই ভাৰত বন্ধ চামিল হোৱা বুলি প্ৰকাশ কৰিছে।
বামপন্থী শাসিত ৰাজ্য কেৰালাত ভাৰত বন্ধৰ সময়ত কেৰেলা ৰাজ্যিক পৰিহবহণ নিগমে যানবাহন চলাচল বন্ধ ৰখাৰ ফলত ৰাজপথত যান-বাহনৰ উপস্থিতি খুব সেৰেঙা হোৱা পৰিলক্ষিত হয়৷ অৱশ্যে ৰে’লৱে ষ্টেচন, চিকিত্সালয় আদিলৈ যোৱা লোকসকলক আৰক্ষীয়ে সহযোগিতা আগবঢ়োৱা দেখা গ’ল।
লগতে পঢ়ক ৮-১০ এপ্ৰিলত গুৱাহাটীত অনুষ্ঠিত হ’ব গ্লেমাৰিয়াছ টেবুল টেনিছ ইউনাইটেড প্ৰিমিয়াৰ লীগ
ইফালে কেৰালা উচ্চ ন্যায়ালয়ৰ নিৰ্দেশ মৰ্মে ভাৰত পেট্ৰ’লিয়াম কৰ্পৰেছন লিমিটেডৰ ৫টাকৈ ইউনিয়নে ধৰ্মঘটত অংশগ্ৰহণৰ পৰা বিৰত থাকে।
আনহাতে, তৃণমূল কংগ্ৰেছ শাসিতৰাজ্য পশ্চিমবংগত ট্ৰেড ইউনিয়নবোৰক ৰাজপথত প্ৰতিবাদ সাব্যস্ত কৰে৷ ইফালে ৰাজ্য চৰকাৰে সকলো চৰকাৰী কাৰ্যালয় খোলা ৰাখিবলৈ নিৰ্দেশজাৰি কৰাৰ লগতে কৰ্মচাৰীসকলক কৰ্মস্থলীত উপস্থিত হ’বলৈ নিৰ্দেশ দিয়ে।
লগতে পঢ়ক হোৱাটছএপত পাকিস্তানক লৈ কি ষ্টেটাছ দি গ্ৰেপ্তাৰ হ’ল এগৰাকী ভাৰতীয় যুৱতী?
পশ্চিমবংগ চৰকাৰে ধৰ্মঘটৰ দুয়োটা দিনতে সকলো চৰকাৰী কৰ্মচাৰীৰ ছুটি আৰু অৰ্ধদিনৰ ছুটি সম্পূৰ্ণৰূপে বাতিল কৰিছে। ৰাজ্যখনৰ চৰকাৰে কোনো চৰকাৰী কৰ্মচাৰীয়ে কৰ্মস্থলীত উপস্থিত নহ’লে ইয়াক চৰকাৰী নিৰ্দেশনা উলংঘন বুলি বিবেচনা কৰি দৰমহা কৰ্তন কৰিব বুলিও প্ৰকাশ কৰিছে৷
পাঁচ ৰাজ্যৰ বিধান সভা নিৰ্বাচন চাৰিখন ৰাজ্যত বিজেপিয়ে জয়লাভ কৰাৰ পিছতে কেন্দ্ৰীয় চৰকাৰৰ জন বিৰোধী নীতিসমূহৰ বিৰোধিতাৰে দেশজুৰি ধৰ্মঘট আহ্বান কৰা হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
