নিম্ৰতলৈ ফুলৰ থোপা আৰু চিঠি বিগ বিৰ, অভিষেক-নিম্ৰতৰ নামতেই নেকি এই উপহাৰ !
অভিষেক-নিম্ৰতৰ মাজৰ গুজৱৰ সময়তে এইবাৰ অমিতাভ বচ্চনৰ এক বিশেষ খবৰে গৰম কৰি তুলিছে মনোৰঞ্জন জগত। অভিষেক বচ্চনৰ সৈতে নিম্ৰতৰ মাজত সম্পৰ্ক থকা বুলি ওলোৱাৰ পাছতে এইবাৰ অমিতাভ বচ্চনৰ এটা ফুলৰ থোপা আৰু এখন চিঠিয়ে সকলোৰে দৃষ্টি আকৰ্ষণ কৰিছে।
নিম্ৰতলৈ অমিতাভ বচ্চনে প্ৰেৰণ কৰিলে এটা ফুলৰ থোপা আৰু এখন চিঠি। অৱশ্যে নিম্ৰতলৈ এই উপহাৰ প্ৰশংসাসুচক হিচাপে প্ৰেৰণ কৰে অমিতাভ বচ্চনে।
২০২২ চনত মুক্তি পোৱা বোলচবি ‘দশবী’ত কৰা কামৰ বাবে এই প্ৰসংশাৰ উপহাৰ বিগ বি অমিতাভ বচ্চনৰ। সেই বোলচবিখনত নিম্ৰত আৰু অভিষেক বচ্চনে একেলগে কাম কৰিছিল। অভিষেকৰ সৈতে একেলগে কাম কৰা সেই ছবিত নিম্ৰতৰ অভিনয়ৰ প্ৰশংসা নকৰাকৈ থাকিব নোৱাৰে বিগ বি। যাৰ বাবে অভিনেত্ৰীগৰাকীলৈ প্ৰেৰণ কৰে ফুলৰ থোপাৰ লগতে এখন চিঠি।
উল্লেখ্য যে, বৰ্তমানে বলীউডত গুজৱ ওলাই আছে যে, বিশ্ব সুন্দৰী ঐশ্বৰ্যৰ সৈতে বিচ্ছেদ হোৱাৰ দিশে অভিষেক। তাৰ সলনি নিম্ৰত কৌৰৰ সৈতে নাম সাঙোৰ খাইছে অভিষেকৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
