অসম লাইভ ২৪ঃ মুম্বাইলৈ গ’লে অমিতাভ বচ্চনৰ বাসগৃহ নোচোৱাকৈ ঘূৰি অহা খুব কম মানুহেই আছে। জুহুলৈ গ’লে বলীউডৰ বিগ বিৰ বাসগৃহ এটা দর্শনীয় স্থান, সেয়া সকলোৱে জানে। দেওবাৰ হ’লেই অনুৰাগীৰ বাবে এবাৰ হ’লেও ‘জলছা’ৰ ছাদলৈ আহে অমিতাভ বচ্চন। কিন্তু এটা কথা আপুনি জানিলে অবাক হৈ পৰিব। এই ‘জলছা’ কিন্তু অমিতাভ বচ্চনে ক্ৰয় কৰা নাছিল। কিন্তু এয়াই সত্য। অমিতাভ বচ্চন পূর্বে আছিল ‘প্ৰতীক্ষা’ নামৰ এটা অট্টালিকাত। প্ৰতীক্ষাত থকা অৱস্থাতে ‘ছাত্তা পে ছাত্তা’ ছবিৰ প্ৰস্তাৱ পাইছিল বিগ বিয়ে। এই ছবিত অভিনয় কৰি সকলোৰে মন জয় কৰিছিল বিগ বিয়ে। ছবিৰ পৰিচালক ৰমেশ চিপ্পি ইমানেই আনন্দিত হৈছিল যে তেওঁ ‘জলছা’ উপহাৰ দিছিল উপহাৰ দিছিল অমিতাভ বচ্চনক। বলীউডৰ ছেহেনশ্বাহ যথেষ্ট আনন্দিত হৈছিল এই অট্টালিকা উপহাৰ পায়। বর্তমান এই অট্টালিকাটোৰ দাম ১০০ৰ পৰা ১২০ কোটি টকা। অট্টালিকাৰ ভিতৰত আছে বাগিচা, ছুইমিং পুল, অনবদ্য ডিজাইনৰ ড্ৰয়িং ৰূমৰ পৰা লিভিং ৰূমলৈ। প্ৰিয় ষ্টাডি ৰূমত একাধিক সময় অতিবাহিত কৰে বিগ বিয়ে। জলছাৰ ভিতৰচোৱা এক কথাত সপোনপুৰীৰ দৰে। প্ৰতিদিনেই জলছা চাবলৈ আহে বিগ বিৰ হাজাৰ হাজাৰ অনুৰাগীয়ে। প্ৰিয় অভিনেতাজনৰ হাত জোকাৰি দিয়া অভিবাদনৰ বাবে বহু দূৰ দূৰণীৰ পৰা আহি ভিৰ কৰে ‘জলছা’ৰ সন্মুখত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
