এতিয়াৰে পৰা বেংকত একাউণ্ট খুলোতে এজনৰ পৰিবৰ্তে ৪জন নমিনি যুক্ত কৰিব পাৰিব। জমা অৰ্থৰ উত্তৰাধিকাৰ সংক্ৰান্তিয় বিৰোধ কমাবলৈ এই পন্থা সহায়ক হৈ উঠিব। ৰাজ্যসভাত ইতিমধ্যেই পাছ হৈছে বেংকিং আইন সংশোধন বিল। এই পদক্ষেপৰ উদ্দেশ্য হৈছে আৰ্থিক সম্পদৰ বণ্টন আৰু সহজ কৰা। ইয়াৰোপৰি বেংকিং ব্য়ৱস্থাত দাবী নকৰা আমানতৰ সংখ্যা হ্ৰাস কৰা।
নমিনিৰ ক্ষেত্ৰত কি কি নতুন নিয়ম
পূৰ্বে একাউণ্ট খোলা ব্যক্তিএজনে এটা একাউণ্টত এজন নমিনি যুক্ত কৰাব পাৰিছিল যিয়ে ব্যক্তিগৰাকীৰ মৃত্যুৰ পাছত সেই বেংক একাউণ্টৰ পৰা অৰ্থ ওলিয়াব পাৰে। নতুন নিয়ম অনুসৰি সৰ্বোচ্চ চাৰিজন নমিনি মনোনীত কৰিব পাৰিব। ইয়াৰ ফলত একাউণ্টধাৰীৰ ইচ্ছা অনুযায়ী অৰ্থ ভাগ কৰা সহজ হব।
উদাহৰণস্বৰূপে যদি এজন একাউণ্টধাৰীয়ে তেওঁৰ পত্নীৰ ওপৰিও পিতৃ মাতৃ আৰু সন্তানক নমিনি হিচাপে ৰাখিব খোজে তেন্তে ৰাখিব পাৰিব। ইয়াৰোপৰি কোন নমিনিয়ে কিমান ধন পাব সেয়াও নিৰ্ধাৰণ কৰিব পাৰিব। এই সংশোধনীত দুই ধৰণৰ মনোনয়ন পদ্ধতি যুক্ত কৰা হৈছে। যুগপত আৰু ধাৰাবাহিক। যি একাউণ্টধাৰীৰ মৃত্যুৰ পাছত অৰ্থৰ আৰু ভাল বণ্টন সম্ভৱ কৰিব।
প্ৰথম নমিনি প্ৰক্ৰিয়া হৈছে যুগপত নমিনি। ইয়াত একাউণ্টধাৰীয়ে কব পাৰিব যে তেওঁৰ জমাৰ পৰিমাণ নমিনিৰ মাজত কেনেকৈ ভাগ হব। উদাহৰণস্বৰূপে কাৰোবাৰ একাউণ্টত ১০ লাখ টকা থকিলে তিনিজন নমিনি থাকিলে তেওঁলোকৰ মাজত ৪০ঃ৩০ঃ৩০ অনুপাতত জমা টকা ভাগ কৰিব পাৰিব। ইয়াৰ অৰ্থ হৈছে প্ৰথম মনোনীত ব্যক্তিয়ে ৪ লাখ পাব। অন্যহাতে দ্বিতীয় আৰু তৃতীয় মনোনীত ব্যক্তিয়ে পাব ৩লাখ টকা।
দ্বিতীয়টো হৈছে ধাৰাবাহিক নমিনি। ইয়াত একাউণ্টধাৰীৰ অৰ্থৰ অগ্ৰাধিকাৰ ক্ৰম অনুসৰি দিয়াৰ বিধান আছে। ইয়াৰ অৰ্থ হৈছে যদি প্ৰথম মনোনীত ব্যক্তি উপলব্ধ নাথাকে তেন্তে অৰ্থ দ্বিতীয় মনোনিত ব্যক্তিৰ হাতলৈ যাব। উদাহৰণস্বৰূপে যদি আপুনি প্ৰথম মনোনীত ব্যক্তি আৰু আপুনি উপলব্ধ নহয় তেতিয়া দ্বিতীয় মনোনিত ব্যক্তি আপোনাৰ ভাইটী বা ভন্টিয়ে সেই অৰ্থ পাব। আৰু আপোনাৰ ভাইটী ভণ্টীও নাথাকিলে সেই অৰ্থ তৃতীয়গৰাকী ভাইটি ভণ্টিৰ হাতলৈ যাব। এই প্ৰক্ৰিয়াৰ উদ্দেশ্য হৈছে যদি কোনো মনোনীত ব্যক্তিৰ অৰ্থগ্ৰহণৰ পূৰ্বে কোনো দুৰ্ঘটনা ঘটে তেন্তে সেই ধন বেংকৰ হাতত নাথাকি তৃতীয় বা দ্বিতীয়গৰাকীৰ হাতলৈ হস্তান্তৰ হব।
বেংক লকাৰৰ নতুন নিয়ম
এই সংশোধনীত বেংক লকাৰৰ বাবে মনোনয়নৰ নিয়মৰো আপডেট কৰা হৈছে। উভয় মনোনয়ন পদ্ধতি বেংক একাউণ্টৰ ক্ষেত্ৰত প্ৰযোজ্য। বেংক লকাৰৰ বাবে কেৱল সফল মনোনয়নহে অনুমোদিত হব। অর্থাৎ ধাৰাবাহিকভাৱে যদি প্ৰথম মনোনীত ব্যক্তি নাথাকে তেন্তে পৰবৰ্তী মনোনীত ব্যক্তি যোগ্য হৈ উঠিব।
কেনেকৈ উপকৃত হব
এই পৰিবৰ্তনৰ ফলত দাবীবিহীন আমানত হ্ৰাস পাব বুলি আশা কৰা হৈছে। আৰ বি আইৰ তথ্য অনুসৰি এয়া ২০২৩ চনৰ মাৰ্চ মাহত ৬২,২২৫ কোটি টকাৰ পৰা বাঢ়ি ২০২৪ চনৰ মাৰ্চ মাহত ৭৮,২১৩ কোটি হৈছে। নতুন আইনে পৰিয়ালসমূহক বেংক একাউন্টত জমা থকা অৰ্থ এক্সেছ কৰাত সহায় কৰিব। আইনী গোচৰো হ্ৰাস পাব। কাৰণ এই নিয়মে বেংকসমূহৰ প্ৰশাসনিক প্ৰক্ৰিয়াক সহজ কৰি তুলিব, মনোনীতসকলৰ অধিকাৰ স্পষ্ট কৰিব আৰু বিৰোধ কমাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
