আজি ঈদত উকা হৈ ৰ’ল ম্যানমাৰ, ভূমিকম্পত নামাজ পঢ়ি থকাৰ সময়তে ৬০ মছজিদত নিহত ৭০০
আজি পবিত্ৰ ঈদ। ঈদৰ উলহ মাহল দেখা যায় ভাৰতৰ লগতে বহু কেইখন দেশত। পাছে উকা হৈ ৰৈ যায় ম্যানমাৰ। কাৰণ ম্যানমাৰত শুকুৰবাৰে অহা ৭ .৭ ৰিখটাৰ স্কেলত ৬০ টা মছজিদত নামাজ পঢ়ি থকাৰ সময়তে একেলগে মৃত্যুমুখত পৰে ৭০০ ৰো অধিক লোকে।
কেৱল মছজিদতেই নহয়, বৰ্তমানলৈ প্ৰকাশ পোৱা তথ্য অনুসৰি ১৭০০ৰো অধিক লোকে বৰ্তমানলৈ প্ৰাণ হেৰুৱাইছে এই প্ৰলয় হৈ নমা ভূমিকম্পত। ইয়াৰ উপৰি জীৱন মৃত্যুৰে যুঁজ দি আছে অন্য বহু শ শ লোকে। যাৰ ফলত নিহতৰ সংখ্যা আৰু অধিক বৃদ্ধি পোৱাৰ আশংকা।
কিন্তু তাৰে মাজতে আজিৰ পবিত্ৰ ঈদে অধিক ম্ৰিয়মান কৰি তুলিছে ম্যানমাৰৰ ইছলাম ধৰ্মাৱলম্বী লোক সকলক। নামাজ পঢ়াৰ সময়তে নিহত হোৱা লোক সকলৰ স্মৃতিয়ে আমনি কৰিছে আত্মীয়ক। ইয়াৰ উপৰি নামাজ পঢ়িবলৈ নাই ৬০ টা মছজিদ। যি মছজিদ ভূমিকম্পত ভাঙি চুৰমাৰ হৈ পৰিছিল।
বহু পুৰণি হোৱাৰ বাবেই তেনেদৰে ৬০ টাকৈ মছজিদ ভাঙি যোৱাৰ কাৰণ বুলি প্ৰকাশ দেশখনৰ প্ৰশাসনৰ ফালৰ পৰা। যাৰ বাবেই মুখ্যতঃ আজি উকা ৰৈ যায় পবিত্ৰ ঈদৰ দিনটো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
