বিগ বচৰ বিজয়ীক লৈ ছ’চিয়েল মিডিয়াত ট্ৰেণ্ডিঙত #Boycott৷ বিগ বচ ছিজন-১৫ৰ বিজয়ী লৈ অসন্তুষ্ট বিগ বচৰ অনুৰাগী৷ কালি ঘোষণা কৰা হ’ল জনপ্ৰিয় টিভি শ্ব’ বিগ বচ ছিজন-১৫ৰ বিজয়ীৰ নাম৷
শক্তিশালী প্ৰতিদ্বন্দ্বী কৰণ কুন্দ্ৰা, ছমিতা শেট্টী, প্ৰতীক সহজপাল, নিশান্ত ভাট আৰু ৰশ্মি দেশাইক ছেৰ পেলাই বিজয়ীৰ খিতাপ দখল কৰিবলৈ সক্ষম হয় প্ৰতিভাৱান তেজস্বী প্ৰকাশে৷ আৰম্ভণিৰ পৰাই খুব উৎসাহজনক আছিল তেজস্বীৰ যাত্ৰা৷
তেজস্বী প্ৰকাশ আৰু কৰণ কুন্দ্ৰাৰ যুটীয়ে সমাদৰ লাভ কৰিছিল অনুৰাগী তথা দৰ্শকৰ মাজত৷ বিগ বচৰ ঘৰত যথেষ্ট প্ৰত্যাহ্বানৰ সন্মুখীন হৈছিল তেজস্বী প্ৰকাশ৷ কিন্তু সকলোকে ছেৰ পেলাই শীৰ্ষত উপনীত হয় অভিনেত্ৰীগৰাকী৷ প্ৰিয় প্ৰতিযোগীগৰাকীৰ সফলতাত উৎফুল্লিত একাংশ অনুৰাগী৷
ইয়াৰ বিপৰীতে অসন্তুষ্ট অধিকাংশ৷ আজিৰ দিনটোত ছ’চিয়েল মিডিয়াত #Boycott ট্ৰেণ্ডিঙত আছে৷ টুইটাৰতো তেজস্বী প্ৰকাশৰ বিৰুদ্ধে আৰম্ভ হৈছে নেতিবাচক মন্তব্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
