অসম লাইভ ২৪ঃ ২৭ বছৰীয়া বৈবাহিক জীৱনৰ বান্ধোন ছিঙিলে গেটছ দম্পতীয়ে। এক যুটীয়া বিবৃতিযোগে বিবাহ বিচ্ছেদৰ কথা ঘোষণা কৰে বিল গেটছ আৰু মেলিণ্ডা গেটছে। বিবাহ বিচ্ছেদ সন্দৰ্ভত বিশ্বৰ ধনাঢ্য ব্যক্তি বিল গেটছে টুইটযোগে কয় যে দুয়োৰে আলোচনা মৰ্মে এই সিদ্ধান্ত উপনীত হৈছে । টুইটযোগে তেওঁ কয়,‘ এক দীঘলীয়া আলোচনা আৰু সম্পৰ্ক ৰক্ষাৰ বাবে বহু চেষ্টা কৰাৰ পাছত এই সিদ্ধান্ত লৈছো। বিগত ২৭ বছৰত তিনিটা সন্তানক ডাঙৰ-দীঘল কৰিলো। আমি একেলগে এটা সংগঠন গঠন কৰিলো যিয়ে বিশ্বজুৰি মানুহৰ স্বাস্থ্য আৰু সুৰক্ষিত জীৱনৰ হকে কাম কৰে’।
১৯৮৭ চনত প্ৰথম দেখা হৈছিল বিল গেটছ আৰু মেলিণ্ডা গেটছৰ। সেইসময়ত মেলিণ্ডা গেটছে মাইক্ৰছফ্টত প্ৰডাক্ট মেনেজাৰ হিচাপে যোগ দিছিল। দীৰ্ঘদিনীয়া প্ৰেমৰ অন্তত দুয়ো বিবাহপাশত আৱদ্ধ হৈছিল ১৯৯৪ চনত। তাৰ পাছত দুয়ো মিলি গেটছ ফাউণ্ডেচন প্ৰতিষ্ঠা কৰে যিয়ে পাছলৈ বিশ্বজুৰি মানুহৰ স্বাস্থ্য আৰু সুৰক্ষিত জীৱনৰ হকে কাম কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
