অসম লাইভ২৪ঃ সুদীৰ্ঘ ৩০ বছৰীয়া দাম্পত্য জীৱনত যতি পেলাই পুনৰ নতুন সম্পৰ্কত বান্ধ খাইছে বিল গেটছ৷ মাইক্ৰছফ্টৰ প্ৰতিষ্ঠাতা বিল গেটছে প্ৰেমৰ সপ্তাহতেই নতুন প্ৰেয়সীৰ হাতত হাত ধকি থকাৰ ফটো ভাইৰেল হৈ পৰিছে৷ গেটছৰ ঘনিষ্ঠসকলৰ দাবী বেছ কিছুদিন ধৰি দুয়ো ডেট কৰিবলৈ লৈছে৷ নেটদুনীয়াত ভাইৰেল ছবিসমূহেই ইয়াৰ প্ৰমাণ৷
বহুতেই প্ৰশ্ন বিল গেটছৰ জীৱনলৈ অহা কোন এই ৰহস্যময়ী নাৰী? সূত্ৰৰ খবৰ অনুসৰি বিল গেটছৰ নতুন প্ৰেয়সীৰ নাম পলা হাৰ্ড৷ পলা এটা আগশাৰীৰ তথ্যপ্ৰযুক্তি সংস্থা অৰাকলেৰ চিইঅ’ মাৰ্ক হাৰ্ডেৰ পত্নী৷ ২০১৯ চনত কৰ্কটত আক্ৰান্ত হৈ মাৰ্ক হাৰ্ডৰ মৃত্যু হৈছে৷ স্বামীৰ মৃত্যুৰ পাছতেই সমাজকল্যাণমূলক কামকাজত জড়িত হৈ আছে পলা৷ ইয়াৰোপৰি পলাই এগৰাকী ইভেণ্ট প্লেনাৰ হিচাপেও কাম কৰি আছে৷ পলাৰ কেথেৰিন আৰু কেলি নামৰ দুগৰাকী কন্যা সন্তানো আছে৷
টেনিছৰ প্ৰতি বিল গেটছ আৰু পলা দুয়োৰে আছে বিশেষ আকৰ্ষণ৷ সেই আকৰ্ষণৰ পৰাই দুয়োৰে মাজত সূচনা হয় প্ৰেমৰ৷ ২০২১ বৰ্ষত পত্নীৰ সৈতে বিবাহ বিচ্ছেদ হৈছে বিল গেটছৰ৷ পত্নীৰ সৈতে বিচ্ছেদ হোৱাৰ পাছতেই দুয়োৰে প্ৰেমৰ সম্পৰ্ক বিশেষভাৱে আগবাঢ়িছে৷
কিছুদিন পূৰ্বে অষ্ট্ৰেলিয়াৰ অপেনাৰ ফাইনেল চাবলৈ একেলগে গৈছিল বিল গেটছ আৰু পলা৷ হাতত হাত ধৰি দুয়োৱে তাত উপস্থিত থকাৰ ফটো এতিয়া সমগ্ৰতে ভাইৰেল৷ গেটছৰ বন্ধুৰ দাবী, ‘এবছৰ ধৰি দুয়ো প্ৰেমৰ সম্পৰ্কত আছে৷’ দুয়োৰে ঘনিষ্ঠ মহলে কথাটো ৰাজহুৱা কৰিলেও বিল গেটছে বৰ্তমানো সেই বিষয়টোক লৈ কোনো ধৰণৰ মন্তব্য প্ৰকাশ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
