বিজেপিয়ে আহ্বান কৰা পশ্চিমবংগ বন্ধৰ আহ্বানৰ পাছতেই আজি পুৱা বিজেপিৰ দুই নেতাৰ বাহনত গুলি চলোৱাৰ অভিযোগ আনিলে অৰ্জুন সিংহই৷ এই ঘটনাক কেন্দ্ৰ কৰি ভাটপাৰাত এতিয়া উত্তেজনা ক্ৰমশ বাঢ়িব ধৰিছে৷ বুধবাৰে দুপৰীয়াৰ শেষ আপডেট অনুসৰি ঘটনাস্থলীত মুখামুখি সংঘাত হৈছে বিজেপি আৰু তৃণমূল কৰ্মীৰ মাজত৷ আৰক্ষীয়ে পৰিস্থিতি নিয়ন্ত্ৰণৰ চেষ্টা অব্যাহত ৰাখিছে৷
বেৰেকপুৰৰ বিজেপি নেতা অৰ্জুনৰ অভিযোগ, তেওঁলোকৰ দলৰ নেতাৰ বাহনত লক্ষ্য কৰি অন্তত ৬ৰাউণ্ড গুলি চলোৱা হৈছে৷ তাতেই তিনিজন আঘাতপ্ৰাপ্ত হৈছে৷ ইয়াৰ মাজতেই আছে দুজন বিজেপি নেতা৷ তৃতীয়জন আঘাতপ্ৰাপ্ত হৈছে বাহনৰ চালক৷ অৰ্জুনে কয়, চালকৰ কঁপালৰ কাষেৰে গুলি পাৰ হৈছে৷ এতিয়াও তেজ লাগিয়েই আছে বাহনত৷’
তাতেই নেপথ্যত আৰক্ষীৰ নিষ্ক্ৰিয়তাৰো অভিযোগ আনিছে অৰ্জুনে৷ বুধবাৰে পুৱাই দুই বিজেপি নেতাক প্ৰাথমিক চিকিৎসাৰ বাবে এখন হাস্পতালত ভৰ্তি কৰোৱা হয়৷ এই সন্দৰ্ভত তেওঁ কয়, ‘বোমা, গুলি চলিছে আৰু আৰক্ষীয়ে থিয় হৈ তামাছা চাইছে৷ আছলতে আৰক্ষীয়ে তৃণমূলৰ পক্ষ লৈছে৷’ ইয়াৰ পাছতেই ভাটপাৰাৰ পৰিস্থিতিৰ অৱনতি ঘটিছে৷
বুধবাৰে পুৱা এই ঘটনা ঘটিছে চাৰে ন বজাত৷ আহতসকলক প্ৰথমে বেৰেকপুৰ ষ্টেট জেনেৰেল হাস্পতাল আৰু তাৰপাছত বেচৰকাৰী হাস্পতাললৈ লৈ যোৱা হয়৷ খবৰ পোৱা মাত্ৰকে ঘটনাস্থলত উপস্থিত হৈছিল বেৰেকপুৰৰ প্ৰাক্তন সাংসদ তথা বিজেপি নেতা অৰ্জুন৷’
অৰ্জুনৰ অভিযোগ, ‘গুলি কৰাৰ ওপৰিও বোমাবাজিও চলিছে দুই বিজেপি নেতাৰ বাহনৰ সন্মুখত৷ মুঠ ৬ৰাউণ্ড গুলি চলিছে৷ সাতৰ পৰা আঁঠটা বোমা পৰিছে৷ তেজেৰে লুটুৰি পুতুৰি হৈ পৰিছে ৰবি সিংহ৷’ কিন্তু আৰক্ষীয়ে তাৰপাছতো কোনো একশ্ব্যন নোলোৱাৰ অভিযোগ বিজেপি নেতাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
