জীৱনত প্ৰথমবৰলৈ ভোট দিলে অভিনেতা অক্ষয় কুমাৰে…
আজি দেশত পঞ্চম পৰ্যায়ৰ ভোটগ্ৰহন। এই পঞ্চমটো পৰ্যায়তে আছে তাৰকাখচিত চহৰ মুম্বাই সমষ্টি। পুৱাৰে পৰা চহৰখনৰ কেইবাটাও ভোটকেন্দ্ৰত বহু তাৰকাক ভোট দিবলৈ অহা দেখা পোৱা গৈছে। তাৰেই মাজতে আছে অতিকে জনপ্ৰিয় অক্ষয় কুমাৰ।
এইবাৰৰ ভোটগ্ৰহণ অক্ষয় কুমাৰৰ বাবে অতিকে বিশেষ। কিয়নো ৫৬ বৰ্ষীয় অভিনেতাগৰাকীয়ে জীৱনত প্ৰথমবাৰলৈ ভোট দিছে। ভাৰতৰ অভিনেতা হৈয়ো ভাৰততে এইবাৰ প্ৰথম ভোট দিছে অভিনেতাগৰাকীয়ে।
কিয়নো অভিনেতা অক্ষয় কুমাৰৰ ইমান দিনে কানাডাৰ নাগৰিকত্বৰে আছিল, ভাৰতত বাস কৰি থকাৰ লগতে ভাৰতীয় চিনেমা জগতত কাম কৰি আছিল।
২০২৩ চনৰ স্বাধীনতা দিৱসত অক্ষয় কুমাৰে এক আকৰ্ষণীয় ঘোষণাৰে মানুহক আচৰিত কৰি তুলিছিল। তেওঁ প্ৰকাশ কৰিছিল যে তেওঁ কানাডাৰ নাগৰিকত্ব ত্যাগ কৰি এতিয়া আনুষ্ঠানিকভাৱে ভাৰতৰ নাগৰিক হ’ব।
যোৱা কেইবছৰমানৰ পৰা অক্ষয়ৰ নাগৰিকত্ব ৰাইজৰ মাজত চৰ্চাৰ বিষয় হৈ পৰিছে। ইয়াৰ ফলত অভিনেতাগৰাকী বহু সমালোচনাৰো সন্মুখিন হৈছিল। ২০১৯ চনত তেওঁ ভাৰতীয় পাছপ’ৰ্টৰ বাবে আবেদন কৰিছিল যদিও Covid ৰ বাবে প্ৰক্ৰিয়াটো পলম হৈ আছিল।
মূলতঃ সকলো ঠিক হৈ পৰাত এইবাৰৰ লোকসভা নিৰ্বাচনত প্ৰথমবাৰৰ বাবে ভাৰতত ভোট দিয়ে অভিনেতাগৰাকীয়ে। ভোট দি সংবাদ মাধ্যৰ আগত প্ৰকাশ কৰে যে, মোৰ বহুত ভাল লাগি আছে, এক অদ্ভুত অনুভুতি। সকলোৱে নিজৰ ভোট দি গনতন্ত্ৰ ৰক্ষা কৰিব লাগে।
https://x.com/ANI/status/1792375951126585360
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
