‘ব্ৰহ্মাস্ত্ৰ খণ্ড ১: শিৱা’ৰ দৰ্শনীয় ট্ৰেইলাৰ বুধবাৰে পুৱা ৰণবীৰ কাপুৰ, আলিয়া ভট্ট, অমিতাভ বচ্চন, মৌনী ৰয় আৰু নাগাৰ্জুনৰ উপস্থিতিত উন্মোচন কৰা হয়। যদিও ভাৰতীয় চলচ্চিত্ৰত কেতিয়াও নেদেখা ভিএফএক্স এই ছবিত ব্যৱহাৰ কৰা হৈছে, বহুলোকে Worthless Nepo kidsক সমৰ্থন নকৰো বুলি ছবিখন বৰ্জনৰ আহ্বান জনাইছে। ইফালে ‘বয়কট ব্ৰহ্মাস্ত্ৰ’ ধ্বনিৰ মাজতে পৰিচালক আয়ন মুখাৰ্জীয়ে দৰ্শকসকলক ব্ৰহ্মাস্ত্ৰৰ জৰিয়তে এক নতুন চলচ্চিত্ৰৰ সোৱাদ দিয়াৰ প্ৰতিশ্ৰুতি দিছে।
“সকলোকে নমস্কাৰ, কালি আমাৰ ব্ৰহ্মাস্ত্ৰৰ ট্ৰেইলাৰৰ মুকলি কৰা হৈছে৷ ট্ৰেইলাৰে লাভ কৰা মৰম, উৎসাহ আৰু সহযোগিতাৰ বাবে আপোনালোকক আন্তৰিক ধন্যবাদ। আপেনালাকৰ মৰমেই হৈছে মোৰ বাবে সকলো। বৰ্তমান আমাৰ ছবিখন মুক্তিৰ অন্তিম ক্ষণত আৰু এই সময়ছোৱাত মই বহুত উৎসাহিত অনুভৱ কৰিছো।’’ আয়ন মুখাৰ্জীয়ে এক বিবৃতিত এইদৰে কয়৷
লগতে পঢ়ক আজি মন্ত্ৰী পীযূষ হাজৰিকাৰ জন্মদিন : কি ক’লে অভিনেত্ৰী পত্নী আইমী বৰুৱাই?
পৰিচালক মুখাৰ্জীয়ে আৰু কয়, ‘‘ব্ৰহ্মাস্ত্ৰৰ সৈতে আপোনালোকক এক নতুন আশ্চৰ্যকৰ চলচ্চিত্ৰ অভিজ্ঞতা দিবলৈ আমি আমাৰ ফালৰ পৰা সেই সকলো শক্তি দিছো আৰু আমাৰ চলচ্চিত্ৰখনক লৈ আপুনিও গৌৰৱ অনুভৱ কৰিব বুলি মই আশা কৰো! ৯ ছেপ্টেম্বৰত আমি আপোনালোকৰ ওচৰলৈ আহি আছো— প্ৰেম, পোহৰ আৰু কৃতজ্ঞতাৰ সৈতে৷’’
ব্ৰহ্মাস্ত্ৰৰ ট্ৰেইলাৰ, যি এক কল্পনামূলক মহাকাব্য, অনুৰাগীসকলৰ বাবে এক ভিজুৱেল ট্ৰিট আছিল। তিনি মিনিটতকৈও অধিক সময়ৰ ক্লিপটো গধুৰ চিত্তাকৰ্ষক ভিএফএক্স শ্বটেৰে ভৰপূৰ যিয়ে ছবিখনৰ বিশাল স্কেলৰ ইংগিত দিয়ে। ট্ৰেইলাৰটোত বিগ বি-ৰ কণ্ঠস্বৰে প্ৰাচীন কালৰ পৰা ‘অস্ত্ৰ’ত শক্তি সংৰক্ষণ কৰা পাঁচটা উপাদানৰ বিষয়ে আৰম্ভ কৰা হৈছে।
লগতে পঢ়ক গ্ৰেপ্তাৰ হ’ব নেকি ছাই পল্লৱী? আইনী সংকটত দক্ষিণৰ জনপ্ৰিয় অভিনেত্ৰীগৰাকী!
তেলেগু মেগাষ্টাৰ চিৰঞ্জীৱীয়ে ব্ৰহ্মাস্ত্ৰৰৰ তেলেগু ট্ৰেইলাৰৰ বাবে কণ্ঠদান কৰিছে। ‘RRR’ৰ পৰিচালক এছ এছ ৰাজামৌলীয়ে চাৰিওটা দক্ষিণ ভাৰতীয় ভাষা – তামিল, তেলেগু, কানাড়া আৰু মালায়ালমত ছবিখন উপস্থাপন কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
