অসম চৰকাৰৰ কেবিনেট মন্ত্ৰী পীযূষ হাজৰিকাৰ জন্মদিন৷
মন্ত্ৰীগৰাকীৰ ওপজা দিন উপলক্ষ্যে বিভিন্নজনে শুভেচ্ছা জনোৱাৰ সমান্তৰালভাৱে অভিনেত্ৰী পত্নী আইমী বৰুৱাও এক সুন্দৰ পোষ্টেৰে স্বামীক শুভেচ্ছা জনাইছে৷
উল্লেখ্য যে বান নিয়ন্ত্ৰণৰ বিভাগৰো দায়িত্ব থকা মন্ত্ৰী পীযূষ হাজৰিকাই ৰাজ্যত অব্যাহত থকা বান পৰিস্থিতি পৰ্যবেক্ষণত ৰাতি দিনে ব্যস্ত থকা বুলি সংবাদ মাধ্যমত প্ৰকাশ কৰি আহিছে৷
লগতে পঢ়ক বতৰ বিজ্ঞান কেন্দ্ৰৰ সতৰ্কবাণী, কেতিয়ালৈকে ৰাজ্যত অব্যাহত থাকিব ধাৰাষাৰ বৰষুণ?
ৰাজ্যত বানে বিধ্বংসী ৰূপ লোৱাৰ সময়তে মন্ত্ৰীগৰাকীৰ জন্মদিন আহিলেও কৰ্তব্যৰ স্বাৰ্থত মন্ত্ৰীগৰাকীয়ে জন্মদিন উদযাপনৰ বাবে সময় উলিয়াব পৰা নাই৷
তেনে সময়ত মন্ত্ৰীগৰাকীৰ পত্নী তথা অভিনেত্ৰীগৰাকীয়ে দুখন ফ’টো শ্বেয়াৰ কৰি লিখিছে, ‘‘চৌপাশে চিৰদিন পোহৰ আৰু ফুলবোৰ ফুলি থাকক..৷’’
লগতে পঢ়ক ATMত ৫০০ উলিওৱাবলৈ গৈ পালে ২৫০০ টকা, তাৰপিছত ধন উলিওৱাৰ লাগিল প্ৰতিযোগিতা!
ইয়াৰ পিছতে আৰু লিখিছে, ‘‘মানুহৰ বাবে যি উদ্যম, সাহসেৰে তুমি কাম কৰা তাক লৈ মই গৌৰৱান্বিত। সকলোৰে ভালৰ বাবে যি শুভ ইচ্ছাৰে তুমি সদায় আগবাঢ়া তাৰ প্ৰতি মোৰ বুকুত আছে এখিনি আছুতীয়া শ্ৰদ্ধা। ভালে থাকা, স্নেহ আৰু আদৰেৰে মই সদায় তোমাৰ কাষত… জন্মদিনৰ অলেখ শুভেচ্ছা যাচিলো।’’
আইমী বৰুৱাৰ এই শুভেচ্ছামূলক পোষ্টৰ তলত কমেন্ট কৰি বিভিন্নজনে মন্ত্ৰী পীযূষ হাজৰিকাক ওপজা দিনৰ শুভকামনা জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
