আকৌ এবাৰ বিতৰ্কিত কাণ্ড সংঘটিত কৰিছে বিশ্বৰ কিংবদন্তী বক্সাৰ মাইক টাইচনে৷ বিশ্বৰ প্ৰাক্তন হেভীৱেইট চেম্পিয়ন বক্সাৰ মাইক টাইচনে এইবাৰ উৰন্ত বিমানৰ ভিতৰতে সহযাত্ৰীক আক্ৰমণ কৰিছে৷
ইতিমধ্যে এই আক্ৰমণৰ ঘটনাৰ সমস্ত ভিডিঅ’ ছ’চিয়েল মিডিয়াত ভাইৰেল হৈ পৰিছে৷ ঘটনাটো ছান ফ্ৰান্সিক’ৰ পৰা ফ্ল’ৰিডাৰ অভিমুখে গৈ থকা এখন উৰন্ত বিমানত সংঘটিত হয়৷
প্ৰকাশিত বাতৰি মতে একেখন বিমানতে গৈ থকা সুৰামত্ত সহযাত্ৰীগৰাকীয়ে মাইক টাইচনক বিভিন্ন কথাৰে উচতাবলৈ চেষ্টা কৰিছিল৷
লগতে পঢ়ক লতাশিলৰ বিহু সম্ৰাজ্ঞী শতাব্দী কলিতাৰ বাসগৃহত নিশা ঘটিল অঘটন
ইফালে ভাইৰেল হোৱা ভিডিঅ’টোত সহযাত্ৰীজনে মাইক টাইচনক পিছফালৰ পৰা বিভিন্ন ধৰণৰ অসংলগ্ন কথাৰে ব্যতিব্যস্ত কৰি থকা দেখা গৈছে৷ ৫৫ বছৰীয়া প্ৰাক্তন বিশ্ব চেম্পিয়ন বক্সাৰজনে সহযাত্ৰীগৰাকীৰ এই আচৰণত অতিষ্ঠ হৈ পিছফালে ঘূৰি মুখত কে’বাটাও ঘোচা মাৰে৷ অৱশ্যে অন্যান্য সহযাত্ৰীসকলে মাইক টাইচনৰ আক্ৰমণৰ পৰা যাত্ৰীগৰাকীক উদ্ধাৰ কৰে৷
Imagine being dumb enough to provoke Mike Tyson in the close proximity of a plane during a 3 hour flight😂😭🤦🏽♂️ pic.twitter.com/T3IBuB7lor
— 🛸🐐Ziggy B🐐🛸 (@therealziggyb23) April 21, 2022
ভিডিঅ’টোত টাইচনৰ এই অতৰ্কিত আক্ৰমণত যাত্ৰীগৰাকীৰ মুখমণ্ডলত সামান্য তেজ ওলোৱা দেখা গৈছে৷
লগতে পঢ়ক গ্ৰীষ্ম কালত কি কি আহাৰ খাব? চাওক গ্ৰীষ্মকালীন আহাৰৰ ৰুটিন…
‘‘হঠাতে মিষ্টাৰ টাইচনে সহযাত্ৰীগৰাকীক আক্ৰমণ কৰে, যাত্ৰীগৰাকীয়ে তেওঁলৈ বটল দলিওৱাৰ লগতে বিভিন্ন ধৰণে হাৰাশাস্তি কৰি আহিছিল৷’’ দ্য এছ’চিয়েট প্ৰেছ-এ কয়৷
ইফালে ঘটনাটো সন্দৰ্ভত আৰক্ষীয়েও প্ৰতিক্ৰিয়া প্ৰকাশ কৰিছে৷ আৰক্ষীয়ে কয় যে বিমানখন অৱতৰণ কৰাৰ পিছতে আৰক্ষীয়ে তাত উপস্থিত হৈ ঘটনাত জড়িত দুয়োপক্ষে আটক কৰি ঘটনাৰ সন্দৰ্ভত তদন্ত আৰম্ভ কৰে৷ ইফালে সামান্য আঘাত লাভ কৰা লোকজনক চিকিৎসা প্ৰদান কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
