গৰমৰ দিনবোৰত আমি ফেনৰ তলত বা শীত-তাপ নিয়ন্ত্ৰিত কোঠাত শোওঁ। এই অভ্যাসে ছালক শুকান কৰি তোলে। গোটেই ৰাতি ফেনৰ বতাহত ডিঙিও শুকাই যায়। সাৰ পোৱাৰ সময়ত ডিঙিত শুষ্কতা, চকুত জ্বলা-পোৰা বা ছালৰ শুষ্কতা অনুভৱ কৰাটো স্বাভাৱিক।
ইয়াৰ পৰা পৰিত্ৰাণ পাবলৈ নিতৌ পুৱা ২-৩ গিলাচ পানী খাই দিনটোৰ আৰম্ভণি কৰক। নেমু ৰস নতুবা ডালচেনি তিয়াই থোৱা পানীও খাব পাৰে। কোমোৰাৰ ৰসত কেইটোপালমান নেমু আৰু আমলখিৰ ৰস মিহলাই খালেও ইয়াৰ পৰা পৰিত্ৰাণ পোৱা যায়।
ৰাতিপুৱাৰ আহাৰ :
গ্ৰীষ্মকালত প্ৰতিদিনে কমেও ৪-৫ বাৰকৈ ফল আৰু পাচলি খোৱাটো গুৰুত্বপূৰ্ণ। পুৱাৰ আহাৰ সদায় স্বাস্থ্যকৰ, বতৰৰ সতেজ ফল যেনে— তৰমুজ, অমিতা, আম, লিচু, প্লাম আদিৰে আৰম্ভ কৰিব লাগে।
লগতে পঢ়ক পিতৃ বাছ চালক, পুত্ৰ বক্স অফিচৰ ৰজা; KGF-CHAPTER-2ৰ চুপাৰষ্টাৰ কোন এই য়শ?
তাৰ পিছত নাৰিকলৰ গাখীৰেৰে তৈয়াৰী লঘু আহাৰ গ্ৰহণ কৰিব লাগে। পাচলি, বীজ, চিয়া বীজৰ সৈতে কিছুমান শুকান ফলেৰে এই আহাৰ প্ৰস্তুত কৰিব লাগে। শুকান লঘু আহাৰ যেনে— ব্ৰেড, পিঠা বা অন্যান্য খাদ্য শস্য খালীপেটত গ্ৰহণ কৰাৰ পৰা আতৰত থাকক। খালীপেটত এই খাদ্যই বদহজম কৰিব পাৰে।
দুপৰীয়াৰ আহাৰ :
দুপৰীয়াৰ আহাৰত পাৰ্যমানে সেউজীয়া শাক-পাচলি যোগ দিয়ক। যদি আপুনি কাৰ্ব-হাইড্ৰেট জাতীয় খাদ্য খাব বিচাৰে, তেন্তে এই খাদ্য প্ৰণালীৰ সৈতে ইয়াক যোগ দিব পাৰে। দুপৰীয়াৰ আহাৰৰ সৈতে চুপ খোৱাতো বাধ্যতামূলক কৰক। মাইক্ৰ’নিউট্ৰিয়েণ্টছ্, যেনে— কাৰ্ব হাইড্ৰেট, প্ৰ’টিন আৰু চৰ্বি কম পৰিমাণত গ্ৰহণ কৰক।
লগতে পঢ়ক গুজৰাটত কিয় বুলড’জাৰ চলালে ব্ৰিটিছ প্ৰধানমন্ত্ৰী জনচনে?
গধুলিৰ আহাৰ :
গধূলিৰ সময়ত পানীত তিয়াই কেইটামান বাদামৰ সৈতে এবাটি বতৰৰ ফল খাওক। ই দিনটোৰ ভাগৰ নাইকিয়া কৰাত সহায় কৰিব।
নিশাৰ আহাৰ :
নিশাৰ আহাৰ পৰাপক্ষত লঘু হোৱা উচিত। প্ৰ’টিন যুক্ত খাদ্যৰ সৈতে বিভিন্ন শাক-পাচলি সিজাই খোৱাটো উপকাৰী। নিশাৰ আহাৰ গ্ৰহণ কৰাৰ পূৰ্বে চুপ খোৱাৰ অভ্যাস কৰক। আহাৰ গ্ৰহণ প্ৰক্ৰিয়া শেষ হোৱাৰ পিছত অলপ সময় ৰৈ হাৰ্বেল টী সেৱন কৰিব পাৰে, যিয়ে আপোনাৰ শৰীৰক শীতল কৰি ৰখাত সহায় কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
