টলীউড অভিনেতা য়শক আপুনি নিশ্চয় চিনি পায়৷ য়শ আজি দেশ-বিদেশ সকলোতে এক সুপৰিচিত নাম। সমগ্ৰ দেশতে শেহতীয়াকৈ য়শে অভিনয় কৰা কানাড়া ব্লকব্লাষ্টাৰ ছবি ‘KGF-CHAPTER-2এ বিপুল সঁহাৰি লাভ কৰিছে৷ ‘KGF- CHAPTER-2’ৰ হিন্দী সংস্কৰণে এসপ্তাহত বক্স অফিচত ২৫০ কোটি টকাৰ উপাৰ্জন কৰিছে। পিছে আপুনি ROCKING STAR য়শৰ বিষয়ে কিমানখিনি জানে? আজি আমি তেওঁ বিষয়ে ক’বলৈ আগবাঢ়িছো৷
অভিনেতা য়শৰ আচল নাম নবীন কুমাৰ গৌড়া৷ তেওঁৰ জন্ম হৈছিল ১৯৮৬ চনৰ ৮ জানুৱাৰীত কৰ্ণাটকৰ হাছান জিলাৰ বুভানাহাল্লি নামৰ সৰু গাঁৱত৷ টিভি ছিৰিয়েলৰ পৰা কেৰিয়াৰ আৰম্ভ কৰা য়শ আজি সমগ্ৰ বিশ্বতে খ্যাতি অৰ্জন কৰিছে৷
আপুনিও যদি চলচ্চিত্ৰপ্ৰেমী তেন্তে এবাৰ হ’লেও য়শৰ চিনেমা নিশ্চয়কৈ চাইছে৷ পিছে তেওঁৰ খ্যাতি অৰ্জন কৰাৰ আঁৰত আছে কঠোৰ সংগ্ৰাম আৰু পৰিশ্ৰম৷
লগতে পঢ়ক দেশৰ একমাত্ৰ মহিলা হিচাপে বিশেষ ৰাষ্ট্ৰীয় সন্মান লাভ অসমৰ এগৰাকী কন্যাৰ
উল্লেখযোগ্য যে নবীন ওৰফে য়শ কোনো অভিনেতা-অভিনেত্ৰী পৰিয়ালৰ পৰা অহা নাই, অভিনয়ৰ প্ৰতি থকা আগ্ৰহ আৰু কঠোৰ পৰিশ্ৰমে তেওঁক লক্ষ্যত উপনীত কৰোৱাইছে৷
য়শৰ দেউতাক অৰুণ কুমাৰ বাছ চালক আৰু মাক পুষ্পা গৃহিণী আছিল৷ তেওঁৰ এগৰাকী সৰু ভগ্নী আছে। তেওঁ সৰুৰে পৰা অভিনয় কৰিবলৈ ভাল পাইছিল৷ নবীনে বিভিন্ন নাট-থিয়েটাৰৰ পৰা অভিনয় শিকাৰ সুযোগ পাইছিল৷ ৬ বছৰ পূৰ্বে য়শে অভিনেত্ৰী ৰাধিকা পণ্ডিতৰ সৈতে বিবাহ পাশত আৱদ্ধ হয়। আৰু তেওঁৰ এগৰাকী কন্যা আৰু এটি পুত্ৰ সন্তান আছে।
যশে ২০০৪ চনত টিভি ধাৰাবাহিক ‘নন্দা গকুলা’ৰ জৰিয়তে অভিনয় জীৱন আৰম্ভ কৰিছিল, যাৰ পিছত তেওঁ বহুতো টিভি ধাৰাবাহিকত অভিনয় কৰে। কিন্তু ২০০৮ চনত তেওঁ ‘মোগিনা মানাছু’ চলচ্চিত্ৰৰ যোগেদি চিনেমাজগতত আত্মপ্ৰকাশ কৰে।
লগতে পঢ়ক কিয় ছাতিৰে নিজকে ঢাকি ৰাখিছিল শ্বাহৰুখ আৰু গৌৰি খানে?
অৱশ্যে উক্ত চিনেমাখনত তেওঁ সহযোগী চৰিত্ৰতহে অভিনয় কৰিছিল৷ সেই চৰিত্ৰত য়শে নিজৰ অভিনয়ৰ দক্ষতা প্ৰকাশ কৰিছিল৷ ২০১৩ চনত মুক্তি পোৱা তেওঁৰ ‘গুগলী’ সেই বছৰৰ সৰ্বাধিক উপাৰ্জন কৰা কানাড়া চলচ্চিত্ৰ আছিল৷ ইয়াৰ পাছতে য়শে ২০১৩ চনত ‘ৰাজা হুলি’, ২০১৪ চনত ‘গাজাকেশৰী’ আৰু ‘মি. ৰামাচাৰী’, ২০১৫ চনত ‘মাষ্টাৰপিচ’ আদি ছবিত অভিনয়েৰে অনুৰাগীৰ মন জয় কৰি আহিছে৷
কিন্তু এই বছৰ মুক্তি পোৱা য়শৰ KGF-CHAPTER-2এ সমগ্ৰ বিশ্বতে খলকনিৰ সৃষ্টি কৰিছে৷ ছবিখন অভিলেখ পৰিমাণৰ ধন সংগ্ৰহ কৰিছে৷ শেহতীয়াকৈ ছবিখনক লৈ বিভিন্ন ধেমেলীয়া ভিডিঅ’ও ভাইৰেল হৈছে৷ ২০১৮ চনত মুক্তি পোৱা KGFএ তেওঁক এজন সৰ্বভাৰতীয় তাৰকা কৰি তুলিছিল আৰু ৰকি ভাইৰ নামেৰে জনপ্ৰিয় হৈ উঠিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
