বৃহস্পতিবাৰে দেশৰ ৰাষ্ট্ৰীয় তদন্তকাৰী সংস্থা (National Investigation Agency)ৰ দিৱস আছিল৷ ত্ৰয়োদশ ৰাষ্ট্ৰীয় তদন্তকাৰী সংস্থা(NIA)ৰ দিৱসৰ দিনা দেশৰ কে’বাগৰাকীও সফল বিষয়াক বিশেষ সন্মান প্ৰদান কৰা হয়৷
গৃহমন্ত্ৰী অমিত শ্বাহে বিশেষ অতিথি হিচাপে উপস্থিত থকা উক্ত অনুষ্ঠানত দেশৰ বিশেষভাৱে সফল বিষয়াসকলক সন্মান প্ৰদান কৰে৷ বিষয়াসকলে কৰ্মক্ষেত্ৰত আগবঢ়োৱা বিশেষ সেৱা তথা কৰ্মদক্ষতাৰ বাবে গৃহমন্ত্ৰী অমিত শ্বাহে বিষয়াসকলক ‘কেন্দ্ৰীয় গৃহমন্ত্ৰী পদক’ সন্মান প্ৰদান কৰে৷
Medal for excellence in Training 😊 https://t.co/a151Z9Qqxv
— Sanjukta (@seekingsanjukta) April 21, 2022
উক্ত সন্মান লাভ কৰা দেশৰ বিষয়াসকলৰ মাজত একমাত্ৰ এগৰাকী মহিলাই এই সন্মান লাভ কৰিবলৈ সক্ষম হৈছে৷ তেওঁ হৈছে এগৰাকী অসম কন্যা৷ ভাৰতীয় আৰক্ষী সেৱাৰ বিষয়া অসম কন্যা সংযুক্তা পৰাশৰে গৃহমন্ত্ৰী অমিত শ্বাহৰ হাতৰ পৰা উৎকৃষ্ট সেৱা আগবঢ়োৱাৰ বাবে এই সন্মান গ্ৰহণ কৰিছে৷
লগতে পঢ়ক চানগ্লাছ নিবলৈ পাহৰিলে মিলিন্দৰ পত্নী অংকিতাই : কি অথন্তৰ ঘটিল সাগৰৰ পাৰত?
আই পি এছ সংযুক্তা পৰাশৰে ২০০৬ চনত দেশৰ ভিতৰতে ৮৬ সংখ্যক স্থানেৰে সৰ্বভাৰতীয় প্ৰশাসনিক সেৱাৰ পৰীক্ষাত উত্তীৰ্ণ হৈছিল৷
অসম কেডাৰৰ আই পি এছ বিষয়া অসম কন্যা সংযুক্তা পৰাশৰ বৰ্তমান ৰাষ্ট্ৰীয় তদন্তকাৰী সংস্থা(NIA)ৰ উপ মহাপৰিদৰ্শক হিচাপে কৰ্মৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ