অন্য যুৱকৰ সৈতে বন্ধুত্বৰ সম্পৰ্ক থকাৰ অভিযোগত নিজৰ প্ৰেমিকাক হত্যা কৰিছে এগৰাকী যুৱকে৷ এই চাঞ্চল্যকৰ ঘটনাটো ৰাজধানী দিল্লীৰ উত্তম নগৰত সংঘটিত হৈছে৷
আৰক্ষীয়ে প্ৰকাশ কৰা ঘটনাৰ বিৱৰণীৰ মতে অন্য যুৱকেৰে বন্ধুত্ব গঢ়ি তোলাৰ অভিযোগত ২৬ বছৰীয়া বিকাশ নামৰ প্ৰেমিকজনে প্ৰেমিকা ২৩ বছৰীয়া শিলাক ব্লেডেৰে কাটি হত্যা কৰে৷
একেটা অঞ্চলৰে প্ৰেমিকা শিলাই অন্য যুৱকৰ সৈতে কথা-বাৰ্তা আৰম্ভ কৰাৰ বুলি বিকাশে অভিযোগ তুলি এবাৰ সাক্ষাৎ কৰিবলৈ অনুৰোধ জনায়৷
লগতে পঢ়ক পঞ্চাশোৰ্ধৰ মহিলাৰ যৌনতা হ্ৰাস পাই নেকি? অধ্যয়নে কি কয়?
শিলাই বিকাশক সাক্ষাৎ কৰাৰ সয়মতে এই কথাটোকে লৈ দুয়োৰ মাজ বাক বিতণ্ডা আৰু কাজিয়াৰ সূত্ৰপাত হয়৷ এই কাজিয়াৰ মাজতে বিকাশে এখন ব্লেডেৰে প্ৰেমিকা শিলাক আক্ৰমণ কৰে৷ বিকাশৰ আক্ৰমণৰ পৰা প্ৰাণ ৰক্ষাৰ বাবে পলায়ন কৰিবলৈ চেষ্টা কৰিলেও বিকাশে শিলাক মাটিত পেলাই লৈ আক্ৰমণ কৰে৷
পিছত আঘাতপ্ৰাপ্ত শিলাক দিল্লীৰ দীনদয়াল উপাধ্যায় হাস্পতালত ভৰ্তি কৰোৱা হয়। বিকাশৰ আক্ৰমণত গুৰুতৰভাৱে আহত হোৱা শিলাৰ চিকিৎসাধীন অৱস্থাতে মৃত্যু হয়।
ইতিমধ্যে ঘটনাৰ সন্দৰ্ভত শিলাৰ মাতৃয়ে অভিযুক্ত বিকাশৰ বিৰুদ্ধে আৰক্ষী থানাত এজাহাৰ দাখিল কৰিছে।
লগতে পঢ়ক ভাৰতৰ কাষত থিয় দিলে চিৰবৈৰী চীনে! কিন্তু কিয় ভাৰতক সমৰ্থন চীনৰ?
আৰক্ষীয়ে জনোৱা মতে বিকাশৰ বিৰুদ্ধে পূৰ্বেও একাধিক অপৰাধ সংঘটিত হোৱাৰ অভিযোগ উত্থাপন হৈছিল। গাড়ী চুৰিকে ধৰি কেইবাটাও অপৰাধমূলক কাৰ্যতো বিকাশ জড়িত আছিল বুলি আৰক্ষীয়ে জানিবলৈ দিয়ে। আনকি বিকাশে কাৰাবাসো খাটি আহিছে।
আৰক্ষীয়ে প্ৰকাশ কৰা মতে যোৱা ১২ মে’ত গাজিয়াবাদৰ দাসনা কাৰাগাৰৰ পৰা জামিনত মুকলি কৰি ঘৰলৈ উভতি আহিছিল বিকাশ। ঘৰ পোৱাৰ লগে লগে বিকাশে শিলাৰ সৈতে যোগাযোগ কৰিবলৈ চেষ্টা কৰে। আৰক্ষীৰ মতে, শিলাই বিকাশৰ পৰা আঁতৰি যাবলৈ চেষ্টা কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
