এক চাঞ্চল্যকৰ ঘটনাই সংবাদ মাধ্যমৰ পোহৰলৈ আহিছে৷ এখন বিবাহত উপলব্ধ এটা উপহাৰ বিস্ফোৰণত গুৰুতৰভাৱে আহত হৈছে দৰাসহ কণমানি ভতিজাক৷
মংগলবাৰে উজনি গুজৰাটৰ নৱছাৰী জিলাৰ মিন্ধাবাৰী গাঁৱত এই ঘটনাটো সংঘটিত হয়৷ মিন্ধাবাৰী গাঁৱৰ লতেশ গাৱিতে দুদিন পূৰ্বে বংশদা তালুকৰ গংগাপুৰ গাঁৱৰ এগৰাকী যুৱতীক বিয়া কৰাইছিল৷ বিয়াত দম্পতীহালে পৰিয়াল, আত্মীয়-স্বজন আৰু বন্ধু-বান্ধৱীৰ পৰা বিভিন্ন উপহাৰ লাভ কৰিছিল৷
মংগলবাৰে পুৱা নৱবিবাহিত লতেশ আৰু তেওঁৰ ভতিজা জিয়ানে পৰিয়ালৰ অন্যান্য লোকৰ উপস্থিতিত বিবাহত লাভ কৰা উপহাৰবোৰ খুলি থাকোতে এটা পাৰ্চেলত ৰিচাৰ্জ কৰিব পৰা এটা খেলনা বস্তু লাভ কৰে৷
উক্ত খেলনা বস্তুটো দুয়োৱে চাৰ্জ কৰিবলৈ চেষ্টা কৰি থাকোতে হঠাতে খেলনা বস্তুটো বিস্ফোৰণ ঘটে৷ এই বিস্ফোৰণৰ ফলত লতেশ আৰু ভতিজাক জিয়ানে হাত, মূৰ, চকু আদিত গুৰুতৰভাৱে আঘাতপ্ৰাপ্ত হৈছে৷
লগতে পঢ়ক বুকুৰ ওপৰৰ অংশ উন্মুক্ত! লণ্ডনৰ ৰাজপথত এয়া কি কৰিলে অভিনেত্ৰী হিনাই?
আঘাতপ্ৰাপ্ত দুয়োজনকে ততাতৈয়াকৈ চিকিৎসালয়ত ভৰ্তি কৰোৱা হয় আৰু বৰ্তমানো দুয়ো চিকিৎসাধীন হৈ আছে৷
বিস্ফোৰণ পিছতে লতেশৰ পৰিয়ালৰ লোকে বিস্ফোৰণ ঘটা উপহাৰটো কোনে উপহাৰ দিছিল তাৰ অনুসন্ধান আৰম্ভ কৰে৷ অনুসন্ধান কৰি গম পোৱা গ’ল যে ৰাজু পেটেল নামৰ এজন যুৱকে উক্ত উপহাৰটো প্ৰদান কৰিছিল৷
প্ৰকাশ পোৱা মতে ৰাজু পেটেল নৱবিবাহিতা কইনাৰ জ্যেষ্ঠ ভগ্নীৰ প্ৰাক্তন প্ৰেমিক৷ ইফালে ঘটনাৰ সন্দৰ্ভত লতেশৰ পৰিয়ালে ৰাজু পেটেলৰ বিৰুদ্ধে আৰক্ষী থানাত এজাহাৰ দাখিল কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
