যদি পকেটত ধন নাথাকে, তেন্তে এই পাৰ্থিৱ পৃথিৱীত সকলো মিছা৷ ৰাতি বিচনাত গাত কাপোৰখন লৈ শোৱাৰ পৰা পুৱা বিচনাৰ পৰা উঠি আকৌ ৰাতি গাত কাপোৰখন টানি বিছনাত শোৱালৈকে সকলোতে ধনৰে মহাত্ম্য৷ ব্যক্তিৰপৰা ৰাষ্ট্ৰলৈকে সকলোতে এই কথাটো খাটে৷
এখন দেশ উন্নত নে অনুন্নত, তাৰ মাপকাঠি জোখা টকাই যদি ভাৰসাম্য হেৰুৱাই পেলাই তেন্তে সেই দেশৰ কি অৱস্থা হ’ব পাৰে তাৰ জলন্ত উদাহৰণ হৈছে জ্বলি ভষ্ম হৈ সাগৰতে ডুব যোৱাৰ উপক্ৰম হোৱা শ্ৰীলংকা৷ পিছে এই পৰিস্থিতি কেৱল শ্ৰীলংকাতে আৱদ্ধ হৈ থাকিব এনে নহয়৷ তেনে অনুৰূপ পৰিস্থিতিৰ দিশে আগবাঢ়িছে দক্ষিণ-পূব এছিয়াৰ কেইবাখনো ৰাষ্ট্ৰৰ লগতে ভাৰতৰ বহুকেইখন ৰাজ্য৷
এখন দেশৰ এটা বিত্তীয় বৰ্ষৰ মুঠ আয়ক ফাইনেন্সিয়াল লেংগুৱেজত কোৱা হোৱা GDP৷ অৰ্থাৎ GROSS DOMESTIC PRODUCT৷ আৰু এখন দেশে আয় কৰা ধন বা GDPএ যদি সেই দেশ চলিব নোৱাৰে তেতিয়া অন্য দেশ বা আন্তঃৰাষ্ট্ৰীয় বিত্তীয় সংস্থাৰ পৰা ঋণ ল’বলৈ বাধ্য হয়৷ শ্ৰীলংকাই এনেদেৰ ঋণ লৈ ঋণৰ বোজা কঢ়িয়াব নোৱাৰি দুৰ্ভিক্ষত পতিত হৈছে৷
লগতে পঢ়ক অন্য যুৱকেৰে প্ৰেমিকাৰ বন্ধুত্ব! ব্লেডেৰ কাটি প্ৰেমিকাক হত্যা প্ৰেমিকৰ
এতিয়া শ্ৰীলংকাৰ দৰে অনুৰূপ পৰিস্থিতিৰ দিশে আগবাঢ়িছে ভাৰতৰ চুবুৰূীয়া দেশ পাকিস্তান৷ প্ৰকাশিত খবৰ মতে পাকিস্তানৰ বৰ্তমান DEBT TO GDP RATIOৰ পৰিসংখ্যা হৈছে ৭৪ শতাংশ৷
অৰ্থাৎ মুঠ জিডিপিতকৈ পাকিস্তানৰ ঋণৰ পৰিমাণ ৭৪ শতাংশ অধিক৷ যাৰ ফলত বৰ্তমান আৰ্থিক সমস্যাত জৰ্জৰিত হৈছে পাকিস্তান৷ আৰ্থিক সমস্যাত জৰ্জৰ পাকিস্তানে বিশ্বৰ বিভিন্ন ৰাষ্ট্ৰৰ দুৱাৰে দুৱাৰে ঋণ বিচাৰি হাত পাতি ফুৰিছে৷ কিন্তু DEBT TO GDP RATIOৰ বিপদসীমা পাৰ হোৱা বাবে বিশ্বৰ কোনো ৰাষ্ট্ৰই মুকলি মনেৰে পাকিস্তানক ঋণ দিয়াৰ সন্মতি প্ৰদান কৰা নাই৷
আনহাতে পাকিস্তানক অনুসৰণ কৰি DEBT TO GDP RATIOত নেপালৰ পৰিসংখ্যা ৫৩ শতাংশ৷ অৰ্থাৎ কিছুদিনৰ পিছতে বিপদসীমা অতিক্ৰম কৰি আৰ্থিক সমস্যাৰে ভাৰাক্ৰান্ত হ’ব নেপালো৷ ইফালে ঋণৰ ক্ষেত্ৰত ভাৰতো পিছ পৰি ৰোৱা নাই৷ আজিৰ তাৰিখত ভাৰতৰ বহুকেইখন ৰাজ্য DEBT TO GDP RATIOৰ বিপদসীমাৰ অতিক্ৰমৰ দিশে আগবাঢ়িছে৷
লগতে পঢ়ক বুকুৰ ওপৰৰ অংশ উন্মুক্ত! লণ্ডনৰ ৰাজপথত এয়া কি কৰিলে অভিনেত্ৰী হিনাই?
ইয়াৰ ভিতৰত প্ৰথম স্থানত আছে পঞ্জাৱ আজিৰ তাৰিখত পঞ্জাৱৰ DEBT TO GDP RATIOৰ পৰিসংখ্যা ৫৩ শতাংশ, ৰাজস্থানৰ ৩৯.৮ শতাংশ, পশ্চিমবংগৰ ৩৮.৮ শতাংশ, কেৰালাৰ ৩৮.৩ শতাংশ, উত্তৰ প্ৰদেশৰ ৩৪ শতাংশ, অন্ধ্ৰপ্ৰদেশৰ ৩২.৪ শতাংশ৷
আনহাতে এই ক্ষেত্ৰত অন্য ৰাষ্ট্ৰতকৈ অসমৰ স্থান সকাহজনক৷ বৰ্তমান অসমৰ ইয়াৰ পৰিসংখ্যা হৈছে ২২ শতাংশ৷ সময় থাকোতেই ঋণৰ ক্ষেত্ৰত সামগ্ৰিকভাৱে যদি ভাৰতে ঋণৰ বোজা হ্ৰাস কৰিবলৈ বিহিত ব্যৱস্থা গ্ৰহণ নকৰে, তেন্তে আগন্তুক মাত্ৰ কেইটামান বৰ্ষতে নেপাল পাকিস্তানক অতিক্ৰম কৰি শ্ৰীলংকাৰ দৰে ভাৰতৰো অনুৰূপ দশা হোৱাৰ পূৰ্ণ সম্ভাৱনা আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
