বৃহস্পতিবাৰে পুৱা গাজিয়াবাদৰ ইন্দিৰাপুৰম থানা এলেকাৰ কানাৱনী পুলিয়াৰ সমীপত ‘বুন্সী গেং’ৰ সৈতে জড়িত এজন ব্যক্তি আৰু তেওঁৰ খুলশালীসহ পাঁচজন ডকাইতক আৰক্ষীয়ে গ্ৰেপ্তাৰ কৰে। চুটি চাপৰ হোৱাৰ বাবে ডকাইত বুলি মানুহে সন্দেহ নকৰা গেংষ্টাৰ আছিফ ওৰফে বুন্সী ওৰফে ছলমান জিলাখনৰ ২৬ টাতকৈও অধিক অপৰাধমূলক ঘটনাত জড়িত হৈ যোৱা কেইবামাহ ধৰি পলাতক হৈ আছিল।
অভিযোগ অনুসৰি বুন্সীৰ এই চক্ৰটোৱে এতিয়ালৈকে দিল্লী-এনচিআৰত ১০০ ৰো অধিক ডকাইতি কাণ্ড সংঘটিত কৰিছে। আৰক্ষীয়ে তেওঁৰ পৰা ৩১৫ টা ব’ৰ পিষ্টল, তিনিখন ছুৰি, লুটপাত কৰা দুটা মোবাইল ফোন, নগদ ৭৫০০ টকা আৰু ঘটনাত ব্যৱহৃত বাইকখন উদ্ধাৰ কৰিছে।
ইন্দিৰাপুৰমৰ আৰক্ষী বিষয়া অভয় কুমাৰ মিশ্ৰই কয় যে গেং নেতা আছিফ ওৰফে বুন্সী অতি চতুৰ। দিল্লী সীমান্তৰ কলনীসমূহত দিনৰ পোহৰতে বিভিন্ন বাইক লৈ লুটপাত চলাইছিল তেওঁৰ গেংৰ সদস্যসকলে।
লগতে পঢ়ক মহিলাৰ বাবে বাম্পাৰ অফাৰ! ১০ সন্তান জন্ম দিয়া মহিলাই লাভ কৰিব ১১ লাখ টকা!
বিষয়াগৰাকীয়ে প্ৰকাশ কৰা মতে অভিযানকাৰী আৰক্ষী দলটোৱে ঘেৰাও কৰি গেঙৰ সদস্যসকলক গ্ৰেপ্তাৰ কৰাত সফল হয়। জেৰাৰ সময়ত পোহৰলৈ আহিছিল যে ছলমান, আছিফ, নৰেশ আৰু মইনে একেলগে বাইকৰ পৰা মোবাইললৈকে লুট কৰিছিল। প্ৰায় ১৬ দিন পূৰ্বে কোলামৰ সৈতে বুন্সী জয়পুৰীয়া ছানৰাইজ গ্ৰীণৰ সমীপত এগৰাকী ছোৱালীৰ পৰা আইফোন লুট কৰিছিল।
দিনটোত চাৰি-পাঁচটা মোবাইল সংগ্ৰহ কৰাৰ পিছত নৰেশ ওৰফে ব’নে খুলশালী সীমা ওৰফে বাজীক ৮০০ৰ পৰা ৪ হাজাৰ টকাত বিক্ৰী কৰিছিল আৰু সীমাই বিভিন্ন বজাৰত সেই মোবাইলবোৰ বিক্ৰী কৰি বিপুল ধন লাভ কৰিছিল।
গেংটোৱে সীমাকো নিজৰ লগতে ৰাখিছিল৷ ইফালে আৰক্ষীয়ে প্ৰকাশ কৰা মতে গেংটোৰ নেতা বুন্সীৰ উচ্চতা মাত্ৰ চাৰে চাৰি ফুট হোৱাৰ বাবে মানুহে তেওঁক ডকাইত বুলি কেতিয়াও সন্দেহ কৰা নাছিল।
লগতে পঢ়ক বান্ধৱীৰ পিতৃক বিবাহ কৰাবলৈ অস্বীকাৰ কলেজীয়া ছাত্ৰী, যৌন উৎপীড়ন চলাই ভিডিঅ’ ভাইৰেল
ইন্দিৰাপুৰম আৰক্ষী থানাৰ ভাৰপ্ৰাপ্ত বিষয়া দেৱপাল সিং পুন্দিৰে জনোৱা মতে, চক্ৰটোৰ প্ৰতিজন সদস্যৰ বিৰুদ্ধে গোচৰ ৰুজু কৰা হৈছে। ইন্দিৰাপুৰম, দিল্লী, কৌশাম্বী, কবিনগৰ আৰু চাহিবাবাদ থানাত কিংপিন আছিফ ওৰফে বুন্সীৰ বিৰুদ্ধে ২৬ টা গোচৰ ৰুজু কৰা হৈছে।
আনহাতে ইন্দিৰাপুৰম থানাত ছলমান ওৰফে কোলামৰ বিৰুদ্ধে ৭ টা, নৰেশ ওৰফে ব’নৰ বিৰুদ্ধে ৪ টা, মইনৰ বিৰুদ্ধে ৬ টা আৰু সীমা ওৰফে বাজীৰ বিৰুদ্ধে দুটা গোচৰ ৰুজু কৰা হৈছে।
সোধা-পোছাৰ সময়ত এই কথাও পোহৰলৈ আহে যে সীমাই পথচাৰীক ১৫০ৰ পৰা ১২০০ টকাত মোবাইল বিক্ৰী কৰিছিল আৰু সেই ধন পিছত সকলোৰে মাজত ভাগবতৰা কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
