দেশৰ ভিতৰতে প্ৰথম, নেটৱৰ্ক নোহোৱাকৈয়ে কৰি পাৰিব ফোন, BSNLৰ বিশেষ অফাৰ
দেশবাসীলৈ সুখবৰ, এতিয়াৰ পৰা নেটৱৰ্ক নাথাকিলেও কৰিব পাৰিব ফোন। দেশৰ ভিতৰতে প্ৰথম “Satellite-to-Device” সেৱা আৰম্ভ কৰিবলৈ ওলাইছে বি এছ এন এলে। যিয়ে দেশৰ অতি দুৰ্গম অঞ্চলতো সংযোগ প্ৰদান কৰিব।
বুধবাৰে দূৰসংযোগ বিভাগ বি এছ এ এলে এই কথা ঘোষণা কৰি কয় যে আমেৰিকাৰ কোম্পানী ভায়াছাটৰ সহযোগত এই সেৱা আৰম্ভ কৰা হৈছে। এই নতুন প্ৰযুক্তিৰ লক্ষ্য হৈছে সাধাৰণ মোবাইল নেটৱৰ্ক নোপোৱা অঞ্চলত সংযোগ প্ৰদান কৰা।
আজিও ভাৰতত এনে বহু অঞ্চল আছে য’ত জিঅ’, এয়াৰটেল, ভোডাফোন-আইডিয়াকে ধৰি যিকোনো টেলিকম কোম্পানীৰ নেটৱৰ্ক সুলভ নহয়, যাৰ বাবে তাত বসবাস কৰা লোকসকলে টেলিকম সংযোগৰ সুবিধা ল’ব পৰা নাই।
বিশেষকৈ পাহাৰীয়া আৰু বনাঞ্চলত এনে হয়। মানুহৰ এই সমস্যা দূৰ কৰিবলৈ বিএছএনএলে ভাৰতত প্ৰথমবাৰৰ বাবে চেটেলাইট-টু-ডিভাইচ সেৱা আৰম্ভ কৰিছে, যাৰ জৰিয়তে মানুহে ফোন নেটৱৰ্ক অবিহনেও টেলিকম সংযোগ ব্যৱহাৰ কৰিব পাৰিব।
এই সেৱা প্ৰথমবাৰৰ বাবে ইণ্ডিয়া মোবাইল কংগ্ৰেছ (IMC 2024)ত প্ৰৱৰ্তন কৰা হৈছিল। ভাৰতত ডিজিটেল বিভাজন হ্ৰাস কৰাৰ দিশত ইয়াক এক গুৰুত্বপূৰ্ণ পদক্ষেপ হিচাপে বিবেচিত হৈছে।
বিএছএনএলৰ মতে, “চেটেলাইট-টু-ডিভাইচ” সেৱাৰ পৰীক্ষণ সম্পূৰ্ণ হৈছে, আৰু ই বিভিন্ন প্ৰত্যাহ্বানমূলক ক্ষেত্ৰতো সুস্থিৰ সংযোগ প্ৰদান কৰিবলৈ সক্ষম।
DoT-এ এই কথা ঘোষণা কৰিছিল শেহতীয়াকৈ কিছুমান মোবাইল ব্ৰেণ্ডে এনে বৈশিষ্ট্য মুকলি কৰিছিল যিয়ে জৰুৰীকালীন অৱস্থাত উপগ্ৰহৰ সংযোগ প্ৰদান কৰে, কিন্তু সেইবোৰ কেৱল জৰুৰীকালীন সেৱাত সীমাবদ্ধ। এতিয়া সাধাৰণ নাগৰিকেও দুৰ্গম অঞ্চলত বি এছ এন এলৰ এই সেৱাৰ সৈতে সংযোগ স্থাপন কৰিব পাৰিব।
এই চেটেলাইট নেটৱৰ্কে ব্যৱহাৰকাৰীক জৰুৰীকালীন কল, এছঅ’এছ বাৰ্তা আনকি ইউপিআই পেমেণ্টতো সহায় কৰিব। অৱশ্যে সাধাৰণ কল আৰু এছএমএছৰ বাবে এই বৈশিষ্ট্য উপলব্ধ হ’ব নে নহয় সেয়া কোম্পানীয়ে স্পষ্ট কৰা নাই।
বি এছ এন এলৰ অংশীদাৰ কোম্পানী ভিয়াছাটে জনোৱা মতে, পৃথিৱীৰ পৰা ৩৬ হাজাৰ কিলোমিটাৰ উচ্চতাত অৱস্থিত জিঅ’ষ্টেচনেৰী এল-বেণ্ড উপগ্ৰহৰ জৰিয়তে এই সেৱা সম্ভৱপৰ হৈছে। আইএমচি ২০২৪ৰ সময়ত ভায়াছাটে এই প্ৰযুক্তি প্ৰদৰ্শন কৰিছিল আৰু লগতে দুমুখীয়া যোগাযোগৰ ক্ষমতাও দেখুৱাইছিল।
অৱশ্যে এই লঞ্চক কেন্দ্ৰ কৰি ক্ৰমাৎ উত্তেজনা বৃদ্ধি পোৱাৰ পিছতো গ্ৰাহকে এই সেৱা কেনেদৰে ব্যৱহাৰ কৰিব পাৰিব সেয়া এতিয়াও প্ৰকাশ কৰা নাই। বি এছ এন এলৰ বৰ্তমানৰ ব্যৱহাৰকাৰীসকলে বৰ্তমানৰ পৰিকল্পনাত এই সেৱা লাভ কৰিব নে অতিৰিক্ত চাৰ্জ আৰোপ কৰিব সেয়া এতিয়াও জানিব পৰা হোৱা নাই। আশা কৰা হৈছে যে বি এছ এন এলৰ এই সেৱা সম্পৰ্কে বিতং তথ্য শীঘ্ৰে উপলব্ধ কৰা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
